آتش عشق جی جلاتی ہے — خواجہ میر درد
شاعر
آتش عشق جی جلاتی ہے
آتش عشق جی جلاتی ہے
یہ بلا جان ہی پہ آتی ہے
تو ہے اور سیر باغ ہے ہر وقت
داغ ہیں اور میری چھاتی ہے
شام بھی ہو چکی کہیں اب تو
آ شتابی ایک رات جاتی ہے
کچھ مناسب نہیں ہے کیا کہئے
جی میں جو کچھ ایک اپنے آتی ہے
ٹک خبر لے کہ ہر گھڑی ہم کیا
اب جدائی بہت ستاتی ہے
دردؔ اس کی بھی دید کر لیجئے
نوجوانی یہ مفت جاتی ہے
Aatish-e-ishq ji jalati hai
Aatish-e-ishq ji jalati hai
Yh bala jaan hi pe aati hai
Tu hai aur sair-e-bagh hai har waqt
Daagh hain aur meri chhaati hai
Sham bhi ho chuki kahin ab to
Aa shitaabi ek raat jaati hai
Kuchh munasib nahin hai kya kahiye
Ji mein jo kuchh ek apne aati hai
Tik khabar le ke har ghari hum kya
Ab judai bahut satati hai
Dardؔ uski bhi deed kar lijiye
Naujawani yeh muft jaati hai
شاعر کے بارے میں
خواجہ میر درد اردو ادب کے ممتاز صوفی شاعر اور فلسفی تھے جنہوں نے 1721ء میں دہلی، ہندوستان میں جنم لیا۔ ان کا اصل نام میر محمد تھا لیکن صوفی حلقوں م...
مکمل تعارف پڑھیں