ہے غلط گر گُمان میں کچھ ہے — خواجہ میر درد
شاعر
ہے غلط گر گُمان میں کچھ ہے
ہے غلط گر گُمان میں کچھ ہے
تجھ سوا بھی جہان میں کچھ ہے؟
دل بھی تیرے ہی ڈھنگ سیکھا ہے
آن میں کچھ ہے، آن میں کچھ ہے
"لے خبر" تیغِ یار کہتی ہے
"باقی اس نیم جان میں کچھ ہے"
ان دنوں کچھ عجب ہے میرا حال
دیکھتا کچھ ہوں، دھیان میں کچھ ہے
اور بھی چاہیے سو کہیے اگر
دلِ نا مہربان میں کچھ ہے
درد تو جو کرے ہے جی کا زیاں
فائدہ اس زیان میں کچھ ہے؟
Hai ghalat gar gumaan mein kuch hai
Hai ghalat gar gumaan mein kuch hai
Tujh siwa bhi jahaan mein kuch hai?
Dil bhi tere hi dhang seekha hai
Aan mein kuch hai, aan mein kuch hai
"Le khabar" tegh-e-yaar kehti hai
"Baaqi us neem jaan mein kuch hai"
In dino kuch ajab hai mera haal
Dekhta kuch hoon, dhyaan mein kuch hai
Aur bhi chahiye so kahiye agar
Dil-e-na-mehrbaan mein kuch hai
Dard to jo kare hai jee ka ziyaan
Faida is ziyaan mein kuch hai?
شاعر کے بارے میں
خواجہ میر درد اردو ادب کے ممتاز صوفی شاعر اور فلسفی تھے جنہوں نے 1721ء میں دہلی، ہندوستان میں جنم لیا۔ ان کا اصل نام میر محمد تھا لیکن صوفی حلقوں م...
مکمل تعارف پڑھیں