سحر ہوتے ہی اٹھ کر وہ جو گھر سے باہر آ نکلا — خواجہ میر درد
شاعر
سحر ہوتے ہی اٹھ کر وہ جو گھر سے باہر آ نکلا
سحر ہوتے ہی اٹھ کر وہ جو گھر سے باہر آ نکلا
ادھر ہی اتفاقاً پھرتے پھرتے میں بھی جا نکلا
مرے دل کو جو تو ہر دم بھلا اتنا ٹٹولے ہے
تصور کے سوا تیرے بتا تو اس میں کیا نکلا
میں اپنا حال کہہ سارا جو پوچھا وعدہ آنے کا
کہا سن سن کے سب باتوں کو آخر مدعا نکلا
مری تعریف کی تھی اس سے بعضوں نے سو وہ سن کر
لگا کہنے جو سنتے تھے وہ اپنا آشنا نکلا
ملے ہے دردؔ اس کے ساتھ تو دیکھا غریبی ہے
گھمنڈ اس کے جو تھا جی میں سو اب شاید گیا نکلا
Sahar hote hi uth kar woh jo ghar se bahar aa nikla
Sahar hote hi uth kar woh jo ghar se bahar aa nikla
Idhar hi ittefaqan phirte phirte maiN bhi ja nikla
Mere dil ko jo tu har dam bhala itna tatole hai
Tasavvur ke siva tere bata to us meiN kya nikla
MaiN apna haal keh saara jo poochha wa'da aane ka
Kaha sun sun ke sab baatoN ko aakhir mudda'a nikla
Meri ta'areef ki thi us se ba'azoN ne so woh sun kar
Laga kehne jo sunte the woh apna aashna nikla
Mile hai Dard! us ke saath to dekha ghareebi hai
Ghamand us ke jo tha jee meiN so ab shaayad gaya nikla
شاعر کے بارے میں
خواجہ میر درد اردو ادب کے ممتاز صوفی شاعر اور فلسفی تھے جنہوں نے 1721ء میں دہلی، ہندوستان میں جنم لیا۔ ان کا اصل نام میر محمد تھا لیکن صوفی حلقوں م...
مکمل تعارف پڑھیں