اک پل میں اک صدی کا مزا ہم سے پوچھئے — خمار بارہ بنکوی
شاعر
اک پل میں اک صدی کا مزا ہم سے پوچھئے
اک پل میں اک صدی کا مزا ہم سے پوچھئے
دو دن کی زندگی کا مزا ہم سے پوچھئے
بھولے ہیں رفتہ رفتہ انہیں مدتوں میں ہم
قسطوں میں خودکشی کا مزا ہم سے پوچھئے
آغاز عاشقی کا مزا آپ جانئے
انجام عاشقی کا مزا ہم سے پوچھئے
جلتے دیوں میں جلتے گھروں جیسی ضو کہاں
سرکار روشنی کا مزا ہم سے پوچھئے
وہ جان ہی گئے کہ ہمیں ان سے پیار ہے
آنکھوں کی مخبری کا مزا ہم سے پوچھئے
ہنسنے کا شوق ہم کو بھی تھا آپ کی طرح
ہنسئے مگر ہنسی کا مزا ہم سے پوچھئے
ہم توبہ کر کے مر گئے بے موت اے خمارؔ
توہین مے کشی کا مزا ہم سے پوچھئے
Ik pal mein ik sadi ka maza hum se poochhiye
Ik pal mein ik sadi ka maza hum se poochhiye
Do din ki zindagi ka maza hum se poochhiye
Bhoole hain rafta rafta unhein muddatoñ mein hum
Qistoñ mein khudkushi ka maza hum se poochhiye
Aaghaz-e-aashiqi ka maza aap jaaniye
Anjaam-e-aashiqi ka maza hum se poochhiye
Jalte diyon mein jalte gharoñ jaisi zao kahan
Sarkar roshni ka maza hum se poochhiye
Wo jaan hi gaye ke hamein un se pyaar hai
Aankhon ki mukhbari ka maza hum se poochhiye
Hansne ka shauq hum ko bhi tha aap ki tarah
Hasiye magar hansi ka maza hum se poochhiye
Hum tauba kar ke mar gaye be maut ae Khumar!
Tauheen-e-mai kashi ka maza hum se poochhiye
شاعر کے بارے میں
خُمار بارہ بنکوی، جن کا اصل نام محمد حیدر خان تھا، 19 ستمبر 1919 کو بارہ بنکی، اتر پردیش میں پیدا ہوئے۔ وہ ایک تہذیبی اور ادبی ماحول رکھنے والے گھر...
مکمل تعارف پڑھیں