آج ہے دہر میں کیا اک نئی آفت کے سوا
آج ہے دہر میں کیا اک نئی آفت کے سوا بغض و نفرت کے سوا رنج و مصیبت کے سوا اس طرح چھایا ہوا ہے نگہ و دل پہ طلسم جیسے ہر چیز حقیقت ہو حقیقت کے سوا اپنے ہر جبر کو وہ مہر و وفا کہتے ہیں ہم بھی کچھ نام نہ دیں اس کو محبت کے سوا ہستیٔ عشق کو اب تک نہ کوئی جان سکا ورنہ ہے دہر میں کیا اور محبت کے سوا ہر نفس اک نئے طوفان کی یورش ہے حیاتؔ کس کو الزام دیں اس دور میں قسمت کے سوا
English rendering
Aaj hai dehr mein kya ek nayi aafat ke siwa Bughz-o-nafrat ke siwa ranj-o-museebat ke siwa Is tarah chhaya hua hai nigah-o-dil pe tilism Jaise har cheez haqeeqat ho haqeeqat ke siwa Apne har jabr ko wo mehr-o-wafa kehte hain Hum bhi kuch naam na dein us ko mohabbat ke siwa Hasti-e-ishq ko ab tak na koi jaan saka Warna hai dehr mein kya aur mohabbat ke siwa Har nafas ek naye toofan ki yurish hai Hayaat Kis ko ilzam dein is daur mein qismat ke siwa