ناداں ہیں وہیں جن کو عداوت سی لگے ہے
ناداں ہیں وہیں جن کو عداوت سی لگے ہے ہم کو تری ہر بات عنایت سی لگے ہے شکوہ سا لگے ہے نہ شکایت سی لگے ہے اس لب پہ ہر اک بات محبت سی لگے ہے کس کس کو تری آڑ میں سب لوٹ رہے ہیں یہ تو ہمیں بے نام سیاست سی لگے ہے بہتر ہے ترے سامنے ہم لب ہی نہ کھولیں ہر بات تجھے آج شکایت سی لگے ہے کہتے ہیں تمہیں اب نہیں احساس کسی کا یہ بات ہمیں اک نئی تہمت سی لگے ہے اک موڑ پہ تو نے جو مرا ساتھ دیا تھا ہر موڑ پہ اب تیری رفاقت سی لگے ہے تپتے ہوئے صحرا میں کہاں چین جگر کو ہاں سایۂ دامن میں تو راحت سی لگے ہے شاید مرا احساس ہی سب کچھ ہے کہ دنیا صحرا سی لگے ہے کبھی جنت سی لگے ہے پھولوں کی مہک ہے نہ شگوفوں کی لطافت پھیلی ہوئی ہر سو تری نکہت سی لگے ہے کیا کہیے حیاتؔ آج ہے وہ دور جنوں خیز چہرے پہ ہر اک فرد کے وحشت سی لگے ہے
English rendering
Nadaan hain wahin jin ko adawat si lage hai Hum ko teri har baat inayat si lage hai Shikwa sa lage hai na shikayat si lage hai Is lab pe har ek baat mohabbat si lage hai Kis kis ko teri aaṛ mein sab loot rahe hain Ye to hamein be-naam siyasat si lage hai Behtar hai tere saamne hum lab hi na kholein Har baat tujhe aaj shikayat si lage hai Kehte hain tumhein ab nahin ehsaas kisi ka Ye baat hamein ek nayi tohmat si lage hai Ek moḌ pe tu ne jo mera saath diya tha Har moḌ pe ab teri rafaqat si lage hai Taptay hue sahra mein kahan chain jigar ko Haan saya-e-daman mein to rahat si lage hai Shayad mera ehsaas hi sab kuch hai ke duniya Sahra si lage hai kabhi jannat si lage hai Phoolon ki mehak hai na shagufton ki latafat Phaili hui har su teri nikhat si lage hai Kya kahiye Hayaat aaj hai wo daur junoon khez Chehre pe har ek fard ke wahshat si lage hai