مسعودہ حیات

English rendering

Ahinsa ki shamshir chamki isi din Ghulami ki zanjeer tuṭi isi din Gulistan ki taqdeer badli isi din Uthho aaj khushiyon ke hum geet gaayein Chalo apni dharti ko dulhan banaayein Khule kaise kaise bharam dushmanon ke Rahe phir na baqi sitam dushmanon ke Miṭe is zameen se qadam dushmanon ke Uthho aaj khushiyon ke hum geet gaayein Chalo apni dharti ko dulhan banaayein Isi din ki khaatir baḌe gham uthhaye Zameen aasman ke qulaabe milaaye Zara bhi na apne qadam ḍagmagaye Uthho aaj khushiyon ke hum geet gaayein Chalo apni dharti ko dulhan banaayein Ye wo din hai hum jis ki barkat ko samjhein Yehi din hai wo jis ki qeemat ko samjhein Yehi din hai wo jis ki azmat ko samjhein Uthho aaj khushiyon ke hum geet gaayein Chalo apni dharti ko dulhan banaayein Tirange ko hum aur ooncha uthha dein Charaghon se har baam-o-dar ko saja dein Zamane ko ye sar khushi bhi dikha dein Uthho aaj khushiyon ke hum geet gaayein Chalo apni dharti ko dulhan banaayein