اس شہر میں کہیں پہ ہمارا مکاں بھی ہو
اس شہر میں کہیں پہ ہمارا مکاں بھی ہو بازار ہے تو ہم پہ کبھی مہرباں بھی ہو جاگیں تو آس پاس کنارا دکھائی دے دریا ہو پر سکون کھلا بادباں بھی ہو اک دوست ایسا ہو کہ مری بات بات کو سچ مانتا ہو اور ذرا بد گماں بھی ہو رستے میں ایک پیڑ ہو تنہا کھڑا ہوا اور اس کی ایک شاخ پہ اک آشیاں بھی ہو اس سے ملے زمانہ ہوا لیکن آج بھی دل سے دعا نکلتی ہے خوش ہو جہاں بھی ہو ہم اس جگہ چلے ہیں جہاں یہ زمیں نہیں اچھا ہو گر وہاں پہ نیا آسماں بھی ہو
English rendering
is shahr mein kahin pe hamara makan bhi ho bazar hai to ham pe kabhi meherban bhi ho jagen to aas paas kinara dikhai de dariya ho par sukoon khula badban bhi ho ek dost aisa ho ki meri baat baat ko sach manta ho aur zara bad guman bhi ho raste mein ek peR ho tanha khaRa hua aur us ki ek shakh pe ek aashiyan bhi ho us se mile zamana hua lekin aaj bhi dil se dua nikalti hai khush ho jahan bhi ho ham us jagah chale hain jahan ye zameen nahin achha ho gar wahan pe naya aasman bhi ho