میں اپنے آپ سے ڈرنے لگا تھا
میں اپنے آپ سے ڈرنے لگا تھا گلی کا شور گھر میں آ گیا تھا پریشاں تھا کھلا دروازہ گھر کا کوئی کھڑکی پہ دستک دے رہا تھا اسے میں شہر بھر میں ڈھونڈ آیا مرے کمرے میں وہ بیٹھا ہوا تھا وہاں کے لوگ بھی کتنے عجب تھے عجب لوگوں میں گھر کے رہ گیا تھا بہت خوش ہو رہا تھا مجھ سے مل کے نہ جانے آج اس کے دل میں کیا تھا اسے میں نے بھی کل دیکھا تھا علویؔ نئے کپڑے پہن کے جا رہا تھا
English rendering
Main apne aap se darne laga tha Gali ka shor ghar mein aa gaya tha Pareshan tha khula darwaza ghar ka Koi khidki pe dastak de raha tha Use main shehar bhar mein dhoond aaya Mere kamre mein woh baitha hua tha Wahan ke log bhi kitne ajab the Ajab logon mein ghar ke reh gaya tha Bahut khush ho raha tha mujh se mil ke Na jaane aaj us ke dil mein kya tha Use maine bhi kal dekha tha Alvi Naye kapde pehan ke ja raha tha