محمد علوی

English rendering

raat bhar pi ke laDkhaDate raho subh masjid mein sar jhukate raho toD Daalo tilism-e-boe-gul mausam-e-gul mein khak uDhaate raho mahal tameer kar lo darya mein ret mein kashtiyan chalate raho hijr ki shab guzar hi jaaegi taza filmon ke geet gaate raho phoons mein aag dhar ke haT jao cheen ki bansuri bajate raho mat Daro nanhe munne olon se be-dhaDak apna sar muNDate raho sab raqeebon se dosti kar lo man-ghaRant wasl ki sunate raho ab bhi milte hain gaanTh ke poore DhoonDh lo aur udhaar khate raho naam rakh lo Khaleel Khan apna aur phir fakhta uDaate raho log maghloob ho hi jaaenge sher Ghalib ke gungunate raho ham bhi ustad hain suno Alwi apni ghazlen hamen dikhate raho