یکہ الٹ کے رہ گیا گھوڑا بھڑک گیا
یکہ الٹ کے رہ گیا گھوڑا بھڑک گیا کالی سڑک پہ چاند سا چہرہ چمک گیا دیکھا اسے تو آنکھ سے پردہ سرک گیا شعلہ سا ایک جسم کے اندر لپک گیا باہر گلی میں کھل گئیں کلیاں گلاب کی جھونکا ہوا کا آتے ہی کمرہ مہک گیا مجھ پر نظر پڑی تو وہ شرما کے رہ گئی پہلو سے اس کے اون کا گولا لڑھک گیا کوشش کے باوجود میں باہر نہ آ سکا اندر کا سلسلہ تو بہت دور تک گیا میں نے ہی اس کو قتل کیا تھا یہ سچ ہے پر سچ سچ بتاؤں میرا بھی اک اک پہ شک گیا علویؔ نے آج دن میں کہانی سنائی تھی شاید اسی وجہ سے میں رستہ بھٹک گیا
English rendering
Yakka palat ke reh gaya, ghoda bhadak gaya Kaali sadak pe chaand sa chehra chamak gaya Dekha use toh aankh se parda sarak gaya Shola sa ek jism ke andar lapak gaya Bahar gali mein khul gayin kaliyan gulaab ki Jhonka hawa ka aate hi kamra mehak gaya Mujh par nazar padi toh woh sharma ke reh gayi Pehlu se us ke oon ka gola ladhak gaya Koshish ke bawajood main bahar na aa saka Andar ka silsila toh bahut door tak gaya Maine hi us ko qatl kiya tha yeh sach hai par Sach sach bataaun mera bhi ek ek pe shak gaya Alvi ne aaj din mein kahani sunai thi Shaayad isi wajah se main rasta bhatak gaya