اگرچہ تجھ سے بہت اختلاف بھی نہ ہوا — پروین شاکر
شاعر
اگرچہ تجھ سے بہت اختلاف بھی نہ ہوا
اگرچہ تجھ سے بہت اختلاف بھی نہ ہوا
مگر یہ دل تری جانب سے صاف بھی نہ ہوا
تعلقات کے برزخ میں ہی رکھا مجھ کو
وہ میرے حق میں نہ تھا اور خلاف بھی نہ ہوا
عجب تھا جرم محبت کہ جس پہ دل نے مرے
سزا بھی پائی نہیں اور معاف بھی نہ ہوا
ملامتوں میں کہاں سانس لے سکیں گے وہ لوگ
کہ جن سے کوئے جفا کا طواف بھی نہ ہوا
عجب نہیں ہے کہ دل پر جمی ملی کائی
بہت دنوں سے تو یہ حوض صاف بھی نہ ہوا
ہوائے دہر ہمیں کس لیے بجھاتی ہے
ہمیں تو تجھ سے کبھی اختلاف بھی نہ ہوا
Agarche tujh se bahut ikhtilaaf bhi na hua
Agarche tujh se bahut ikhtilaaf bhi na hua
Magar yeh dil teri jaanib se saaf bhi na hua
Taa'alluqaat ke barzakh mein hi rakha mujh ko
Woh mere haq mein na tha aur khilaaf bhi na hua
Ajab tha jurm-e-mohabbat ke jis pe dil ne mere
Saza bhi paai nahin aur mu'aaf bhi na hua
Malaamaton mein kahan saans le sakenge woh log
Ke jin se kuu-e-jafa ka tawaaf bhi na hua
Ajab nahin hai ke dil par jami mili kaai
Bahut dinon se to yeh hauz saaf bhi na hua
Hawa-e-dahr hamein kis liye bujhaati hai
Hamein to tujh se kabhi ikhtilaaf bhi na hua
شاعر کے بارے میں
پروین شاکر اردو کی جدید ترین اور مقبول ترین شاعرات میں شمار ہوتی ہیں، جنہوں نے نسائی حسّیت، جذبات کی لطافت اور اظہار کی شگفتگی کو نئی جہت عطا کی۔ 2...
مکمل تعارف پڑھیں