اپنی ہی صدا سنوں کہاں تک — پروین شاکر
شاعر
اپنی ہی صدا سنوں کہاں تک
اپنی ہی صدا سنوں کہاں تک
جنگل کی ہوا رہوں کہاں تک
ہر بار ہوا نہ ہوگی در پر
ہر بار مگر اٹھوں کہاں تک
دم گھٹتا ہے گھر میں حبس وہ ہے
خوشبو کے لئے رکوں کہاں تک
پھر آ کے ہوائیں کھول دیں گی
زخم اپنے رفو کروں کہاں تک
ساحل پہ سمندروں سے بچ کر
میں نام ترا لکھوں کہاں تک
تنہائی کا ایک ایک لمحہ
ہنگاموں سے قرض لوں کہاں تک
گر لمس نہیں تو لفظ ہی بھیج
میں تجھ سے جدا رہوں کہاں تک
سکھ سے بھی تو دوستی کبھی ہو
دکھ سے ہی گلے ملوں کہاں تک
منسوب ہو ہر کرن کسی سے
اپنے ہی لیے جلوں کہاں تک
آنچل مرے بھر کے پھٹ رہے ہیں
پھول اس کے لئے چنوں کہاں تک
Apni hi sada sunun kahan tak
Apni hi sada sunun kahan tak
Jungle ki hawa rahun kahan tak
Har baar hawa na hogi dar par
Har baar magar uthun kahan tak
Dam ghut'ta hai ghar mein habs woh hai
Khushboo ke liye rukun kahan tak
Phir aa ke hawaa'ein khol dengi
Zakhm apne rafu karun kahan tak
Saahil pe samundaron se bach kar
Main naam tera likhun kahan tak
Tanhaai ka ek ek lamha
Hangaamon se qarz lun kahan tak
Gar lams nahin to lafz hi bhej
Main tujh se judaa rahun kahan tak
Sukh se bhi to dosti kabhi ho
Dukh se hi gale milun kahan tak
Mansub ho har kiran kisi se
Apne hi liye jalun kahan tak
Aanchal mere bhar ke phat rahe hain
Phool us ke liye chunun kahan tak
شاعر کے بارے میں
پروین شاکر اردو کی جدید ترین اور مقبول ترین شاعرات میں شمار ہوتی ہیں، جنہوں نے نسائی حسّیت، جذبات کی لطافت اور اظہار کی شگفتگی کو نئی جہت عطا کی۔ 2...
مکمل تعارف پڑھیں