اشک آنکھ میں پھر اٹک رہا ہے — پروین شاکر
شاعر
اشک آنکھ میں پھر اٹک رہا ہے
اشک آنکھ میں پھر اٹک رہا ہے
کنکر سا کوئی کھٹک رہا ہے
میں اس کے خیال سے گریزاں
وہ میری صدا جھٹک رہا ہے
تحریر اسی کی ہے مگر دل
خط پڑھتے ہوئے اٹک رہا ہے
ہیں فون پہ کس کے ساتھ باتیں
اور ذہن کہاں بھٹک رہا ہے
صدیوں سے سفر میں ہے سمندر
ساحل پہ تھکن ٹپک رہا ہے
اک چاند صلیب شاخ گل پر
بالی کی طرح لٹک رہا ہے
Ashk aankh mein phir aṭak raha hai
Ashk aankh mein phir aṭak raha hai
Kankar sā koī khaṭak raha hai
Maiñ us ke khayāl se gurezāñ
Voh merī sadā jhaṭak raha hai
Tehreer usī kī hai magar dil
Khaṭ paṛhte hue aṭak raha hai
Haiñ phone pe kis ke sāth bāteñ
Aur zehn kahāñ bhaṭak raha hai
Sadiyoñ se safar maiñ hai samandar
Sāhil pe thakan ṭapak raha hai
Ek chāñd saleeb-e-shāḳh-e-gul par
Bālī kī tarah laṭak raha hai
شاعر کے بارے میں
پروین شاکر اردو کی جدید ترین اور مقبول ترین شاعرات میں شمار ہوتی ہیں، جنہوں نے نسائی حسّیت، جذبات کی لطافت اور اظہار کی شگفتگی کو نئی جہت عطا کی۔ 2...
مکمل تعارف پڑھیں