بادباں کھلنے سے پہلے کا اشارہ دیکھنا — پروین شاکر
شاعر
بادباں کھلنے سے پہلے کا اشارہ دیکھنا
بادباں کھلنے سے پہلے کا اشارہ دیکھنا
میں سمندر دیکھتی ہوں تم کنارہ دیکھنا
یوں بچھڑنا بھی بہت آساں نہ تھا اس سے مگر
جاتے جاتے اس کا وہ مڑ کر دوبارہ دیکھنا
کس شباہت کو لیے آیا ہے دروازے پہ چاند
اے شب ہجراں ذرا اپنا ستارہ دیکھنا
کیا قیامت ہے کہ جن کے نام پر پسپا ہوئے
ان ہی لوگوں کو مقابل میں صف آرا دیکھنا
جب بنام دل گواہی سر کی مانگی جائے گی
خون میں ڈوبا ہوا پرچم ہمارا دیکھنا
جیتنے میں بھی جہاں جی کا زیاں پہلے سے ہے
ایسی بازی ہارنے میں کیا خسارہ دیکھنا
آئنے کی آنکھ ہی کچھ کم نہ تھی میرے لیے
جانے اب کیا کیا دکھائے گا تمہارا دیکھنا
ایک مشت خاک اور وہ بھی ہوا کی زد میں ہے
زندگی کی بے بسی کا استعارہ دیکھنا
Bādbāñ khulne se pehle kā ishāra dekhna
Bādbāñ khulne se pehle kā ishāra dekhna
Maiñ samundar dekhtī hūñ tum kināra dekhna
Yūñ bichhaṛnā bhī bahut āsāñ na thā us se magar
Jāte jāte us kā voh muṛ kar dobāra dekhna
Kis shabāhat ko liye aayā hai darvāze pe chāñd
Ae shab-e-hijrāñ zarā apnā sitāra dekhna
Kyā qayāmat hai ke jin ke nām par paspā hue
Un hī logoñ ko muqābil maiñ saf-ārā dekhna
Jab banām-e-dil gavāhī sar kī māñgī jāegī
Khooñ maiñ ḍūbā huā parcham hamārā dekhna
Jeetne maiñ bhī jahāñ jī kā ziyāñ pehle se hai
Aisī bāzī hārne maiñ kyā khasāra dekhna
Āīne kī āñkh hī kuchh kam na thī mere liye
Jāne ab kyā kyā dikhāe gā tumhārā dekhna
Ek mushṭ-e-ḳhāk aur voh bhī havā kī zad maiñ hai
Zindagī kī be-basī kā isti'āra dekhna
شاعر کے بارے میں
پروین شاکر اردو کی جدید ترین اور مقبول ترین شاعرات میں شمار ہوتی ہیں، جنہوں نے نسائی حسّیت، جذبات کی لطافت اور اظہار کی شگفتگی کو نئی جہت عطا کی۔ 2...
مکمل تعارف پڑھیں