بجا کہ آنکھ میں نیندوں کے سلسلے بھی نہیں — پروین شاکر
شاعر
بجا کہ آنکھ میں نیندوں کے سلسلے بھی نہیں
بجا کہ آنکھ میں نیندوں کے سلسلے بھی نہیں
شکست خواب کے اب مجھ میں حوصلے بھی نہیں
نہیں نہیں یہ خبر دشمنوں نے دی ہوگی
وہ آئے آ کے چلے بھی گئے ملے بھی نہیں
یہ کون لوگ اندھیروں کی بات کرتے ہیں
ابھی تو چاند تری یاد کے ڈھلے بھی نہیں
ابھی سے میرے رفوگر کے ہاتھ تھکنے لگے
ابھی تو چاک مرے زخم کے سلے بھی نہیں
خفا اگرچہ ہمیشہ ہوئے مگر اب کے
وہ برہمی ہے کہ ہم سے انہیں گلے بھی نہیں
Bajā ke aankh mein neendoñ ke silsile bhī nahīñ
Bajā ke āñkh maiñ nīndoñ ke silsile bhī nahīñ
Shikast-e-ḳhvāb ke ab mujh maiñ hausle bhī nahīñ
Nahīñ nahīñ yeh khabar dushmanoñ ne dī hogī
Voh aaye aa ke chale bhī ga'e mile bhī nahīñ
Yeh kaun log andheroñ kī bāt karte haiñ
Abhī toh chāñd terī yād ke ḍhale bhī nahīñ
Abhī se mere rafūgar ke haath thakne lage
Abhī toh chāk mare zaḳhm ke sile bhī nahīñ
Khafā agarche hamesha hue magar ab ke
Voh barhamī hai ke ham se inheñ gale bhī nahīñ
شاعر کے بارے میں
پروین شاکر اردو کی جدید ترین اور مقبول ترین شاعرات میں شمار ہوتی ہیں، جنہوں نے نسائی حسّیت، جذبات کی لطافت اور اظہار کی شگفتگی کو نئی جہت عطا کی۔ 2...
مکمل تعارف پڑھیں