چارہ سازوں کی اذیت نہیں دیکھی جاتی — پروین شاکر
شاعر
چارہ سازوں کی اذیت نہیں دیکھی جاتی
چارہ سازوں کی اذیت نہیں دیکھی جاتی
تیرے بیمار کی حالت نہیں دیکھی جاتی
دینے والے کی مشیت پہ ہے سب کچھ موقوف
مانگنے والے کی حاجت نہیں دیکھی جاتی
دن بہل جاتا ہے لیکن ترے دیوانوں کی
شام ہوتی ہے تو وحشت نہیں دیکھی جاتی
تمکنت سے تجھے رخصت تو کیا ہے لیکن
ہم سے ان آنکھوں کی حسرت نہیں دیکھی جاتی
کون اترا ہے یہ آفاق کی پہنائی میں
آئنہ خانے کی حیرت نہیں دیکھی جاتی
Chāra-sāzoñ kī aziyat nahīñ dekhī jātī
Chāra-sāzoñ kī aziyat nahīñ dekhī jātī
Tere bīmār kī hālat nahīñ dekhī jātī
Dene vāle kī mashiyat pe hai sab kuchh mauqūf
Māñgne vāle kī hājat nahīñ dekhī jātī
Din bahal jātā hai lekin tere dīvānoñ kī
Shām hotī hai toh vahshat nahīñ dekhī jātī
Tamkanat se tujhe ruḳhsat toh kiyā hai lekin
Ham se un āñkhoñ kī hasrat nahīñ dekhī jātī
Kaun utrā hai yeh āfāq kī pahnāī maiñ
Āīna-ḳhāne kī hairat nahīñ dekhī jātī
شاعر کے بارے میں
پروین شاکر اردو کی جدید ترین اور مقبول ترین شاعرات میں شمار ہوتی ہیں، جنہوں نے نسائی حسّیت، جذبات کی لطافت اور اظہار کی شگفتگی کو نئی جہت عطا کی۔ 2...
مکمل تعارف پڑھیں