چراغ راہ بجھا کیا کہ رہنما بھی گیا — پروین شاکر
شاعر
چراغ راہ بجھا کیا کہ رہنما بھی گیا
چراغ راہ بجھا کیا کہ رہنما بھی گیا
ہوا کے ساتھ مسافر کا نقش پا بھی گیا
میں پھول چنتی رہی اور مجھے خبر نہ ہوئی
وہ شخص آ کے مرے شہر سے چلا بھی گیا
بہت عزیز سہی اس کو میری دل داری
مگر یہ ہے کہ کبھی دل مرا دکھا بھی گیا
اب ان دریچوں پہ گہرے دبیز پردے ہیں
وہ تانک جھانک کا معصوم سلسلہ بھی گیا
سب آئے میری عیادت کو وہ بھی آیا تھا
جو سب گئے تو مرا درد آشنا بھی گیا
یہ غربتیں مری آنکھوں میں کیسی اتری ہیں
کہ خواب بھی مرے رخصت ہیں رتجگا بھی گیا
Chirāgh-e-rāh bujhā kyā ke rahnumā bhī gayā
Chirāgh-e-rāh bujhā kyā ke rahnumā bhī gayā
Havā ke sāth musāfir kā naqsh-e-pā bhī gayā
Maiñ phūl chuntī rahī aur mujhe khabar na huī
Voh shaḳhs aa ke mere shehar se chalā bhī gayā
Bahut azeez sahī us ko merī dil-dārī
Magar yeh hai ke kabhī dil mirā dukhā bhī gayā
Ab in darīchoñ pe gehre dabeez parde haiñ
Voh tāñk-jhāñk kā ma'sūm silsila bhī gayā
Sab aaye merī iyādat ko voh bhī aayā thā
Jo sab ga'e toh mirā dard-āshnā bhī gayā
Yeh ghurbateñ mirī āñkhoñ maiñ kaisī utrī haiñ
Ke khvāb bhī mere ruḳhsat haiñ ratjagā bhī gayā
شاعر کے بارے میں
پروین شاکر اردو کی جدید ترین اور مقبول ترین شاعرات میں شمار ہوتی ہیں، جنہوں نے نسائی حسّیت، جذبات کی لطافت اور اظہار کی شگفتگی کو نئی جہت عطا کی۔ 2...
مکمل تعارف پڑھیں