دل کا کیا ہے وہ تو چاہے گا مسلسل ملنا — پروین شاکر
شاعر
دل کا کیا ہے وہ تو چاہے گا مسلسل ملنا
دل کا کیا ہے وہ تو چاہے گا مسلسل ملنا
وہ ستم گر بھی مگر سوچے کسی پل ملنا
واں نہیں وقت تو ہم بھی ہیں عدیم الفرصت
اس سے کیا ملیے جو ہر روز کہے کل ملنا
عشق کی رہ کے مسافر کا مقدر معلوم
شہر کی سوچ میں ہو اور اسے جنگل ملنا
اس کا ملنا ہے عجب طرح کا ملنا جیسے
دشت امید میں اندیشے کا بادل ملنا
دامن شب کو اگر چاک بھی کر لیں تو کہاں
نور میں ڈوبا ہوا صبح کا آنچل ملنا
Dil kā kyā hai voh toh chāhe gā musalsal milnā
Dil kā kyā hai voh toh chāhe gā musalsal milnā
Voh sitamgar bhī magar soche kisī pal milnā
Vāñ nahīñ vaqt toh ham bhī haiñ adīm-ul-fursat
Us se kyā miliye jo har roz kahe kal milnā
Ishq kī rah ke musāfir kā muqaddar ma'lūm
Shehar kī soch maiñ ho aur use jangal milnā
Us kā milnā hai ajab tarah kā milnā jaise
Dasht-e-ummeed maiñ andeshe kā bādal milnā
Dāman-e-shab ko agar chāk bhī kar leñ toh kahāñ
Noor maiñ ḍūbā huā subah kā āñchal milnā
شاعر کے بارے میں
پروین شاکر اردو کی جدید ترین اور مقبول ترین شاعرات میں شمار ہوتی ہیں، جنہوں نے نسائی حسّیت، جذبات کی لطافت اور اظہار کی شگفتگی کو نئی جہت عطا کی۔ 2...
مکمل تعارف پڑھیں