گلاب ہاتھ میں ہو آنکھ میں ستارہ ہو — پروین شاکر
شاعر
گلاب ہاتھ میں ہو آنکھ میں ستارہ ہو
گلاب ہاتھ میں ہو آنکھ میں ستارہ ہو
کوئی وجود محبت کا استعارہ ہو
میں گہرے پانی کی اس رو کے ساتھ بہتی رہوں
جزیرہ ہو کہ مقابل کوئی کنارہ ہو
کبھی کبھار اسے دیکھ لیں کہیں مل لیں
یہ کب کہا تھا کہ وہ خوش بدن ہمارا ہو
قصور ہو تو ہمارے حساب میں لکھ جائے
محبتوں میں جو احسان ہو تمہارا ہو
یہ اتنی رات گئے کون دستکیں دے گا
کہیں ہوا کا ہی اس نے نہ روپ دھارا ہو
افق تو کیا ہے در کہکشاں بھی چھو آئیں
مسافروں کو اگر چاند کا اشارا ہو
میں اپنے حصے کے سکھ جس کے نام کر ڈالوں
کوئی تو ہو جو مجھے اس طرح کا پیارا ہو
اگر وجود میں آہنگ ہے تو وصل بھی ہے
وہ چاہے نظم کا ٹکڑا کہ نثر پارہ ہو
Gulāb haath mein ho aankh mein sitāra ho
Gulāb haath maiñ ho āñkh maiñ sitāra ho
Koī wujūd-e-mohabbat kā isti'āra ho
Maiñ gehre pānī kī us rau ke sāth bahtī rahūñ
Jazeerā ho ke muqābil koī kināra ho
Kabhī kabhār use dekh leñ kahīñ mil leñ
Yeh kab kahā thā ke voh khush-badan hamārā ho
Qusoor ho toh hamāre hisāb maiñ likh jāe
Mohabbatoñ maiñ jo ehsān ho tumhārā ho
Yeh itnī rāt ga'e kaun dastakeñ de gā
Kahīñ havā kā hī us ne na roop dhārā ho
Ufaq toh kyā hai dar-e-kahkashāñ bhī chhū āeñ
Musāfiroñ ko agar chāñd kā ishāra ho
Maiñ apne hisse ke sukh jis ke nām kar ḍālūñ
Koī toh ho jo mujhe is tarah kā pyārā ho
Agar wujūd maiñ āhañg hai toh vasl bhī hai
Voh chāhe nazm kā ṭukṛā ke nasr pāra ho
شاعر کے بارے میں
پروین شاکر اردو کی جدید ترین اور مقبول ترین شاعرات میں شمار ہوتی ہیں، جنہوں نے نسائی حسّیت، جذبات کی لطافت اور اظہار کی شگفتگی کو نئی جہت عطا کی۔ 2...
مکمل تعارف پڑھیں