حرف تازہ نئی خوشبو میں لکھا چاہتا ہے — پروین شاکر
شاعر
حرف تازہ نئی خوشبو میں لکھا چاہتا ہے
حرف تازہ نئی خوشبو میں لکھا چاہتا ہے
باب اک اور محبت کا کھلا چاہتا ہے
ایک لمحے کی توجہ نہیں حاصل اس کی
اور یہ دل کہ اسے حد سے سوا چاہتا ہے
اک حجاب تہہ اقرار ہے مانع ورنہ
گل کو معلوم ہے کیا دست صبا چاہتا ہے
ریت ہی ریت ہے اس دل میں مسافر میرے
اور یہ صحرا ترا نقش کف پا چاہتا ہے
یہی خاموشی کئی رنگ میں ظاہر ہوگی
اور کچھ روز کہ وہ شوخ کھلا چاہتا ہے
رات کو مان لیا دل نے مقدر لیکن
رات کے ہاتھ پہ اب کوئی دیا چاہتا ہے
تیرے پیمانے میں گردش نہیں باقی ساقی
اور تری بزم سے اب کوئی اٹھا چاہتا ہے
Harf-e-tāza naī khushboo maiñ likhā chāhtā hai
Harf-e-tāza naī khushboo maiñ likhā chāhtā hai
Bāb ek aur mohabbat kā khulā chāhtā hai
Ek lamhe kī tavajjuh nahīñ hāsil us kī
Aur yeh dil ke use had se sivā chāhtā hai
Ek hijāb-e-teh-e-iqrār hai māni' varna
Gul ko ma'lūm hai kyā dast-e-sabā chāhtā hai
Ret hī ret hai is dil maiñ musāfir mere
Aur yeh sahrā terā naqsh-e-kaf-e-pā chāhtā hai
Yeh hī khāmoshī kaī rañg maiñ zāhir hogī
Aur kuchh roz ke voh shoḳh khulā chāhtā hai
Rāt ko mān liyā dil ne muqaddar lekin
Rāt ke haath pe ab koī diyā chāhtā hai
Tere paimāne maiñ gardish nahīñ bāqī sāqī
Aur terī bazm se ab koī uṭhā chāhtā hai
شاعر کے بارے میں
پروین شاکر اردو کی جدید ترین اور مقبول ترین شاعرات میں شمار ہوتی ہیں، جنہوں نے نسائی حسّیت، جذبات کی لطافت اور اظہار کی شگفتگی کو نئی جہت عطا کی۔ 2...
مکمل تعارف پڑھیں