کھلی آنکھوں میں سپنا جھانکتا ہے — پروین شاکر
شاعر
کھلی آنکھوں میں سپنا جھانکتا ہے
کھلی آنکھوں میں سپنا جھانکتا ہے
وہ سویا ہے کہ کچھ کچھ جاگتا ہے
تری چاہت کے بھیگے جنگلوں میں
مرا تن مور بن کر ناچتا ہے
مجھے ہر کیفیت میں کیوں نہ سمجھے
وہ میرے سب حوالے جانتا ہے
میں اس کی دسترس میں ہوں مگر وہ
مجھے میری رضا سے مانگتا ہے
کسی کے دھیان میں ڈوبا ہوا دل
بہانے سے مجھے بھی ٹالتا ہے
سڑک کو چھوڑ کر چلنا پڑے گا
کہ میرے گھر کا کچا راستہ ہے
Khulī āñkhoñ maiñ sapnā jhānktā hai
Khulī āñkhoñ maiñ sapnā jhānktā hai
Voh soyā hai ke kuchh kuchh jāgtā hai
Terī chāhat ke bhīge jangaloñ maiñ
Mirā tan mor ban kar nāchtā hai
Mujhe har kaifiyat maiñ kyoñ na samjhe
Voh mere sab havāle jāntā hai
Maiñ us kī dastaras maiñ hūñ magar voh
Mujhe merī razā se māñgtā hai
Kisī ke dhyān maiñ ḍūbā huā dil
Bahāne se mujhe bhī ṭāltā hai
Saṛak ko chhoṛ kar chalnā paṛe gā
Ke mere ghar kā kachchā rāsta hai
شاعر کے بارے میں
پروین شاکر اردو کی جدید ترین اور مقبول ترین شاعرات میں شمار ہوتی ہیں، جنہوں نے نسائی حسّیت، جذبات کی لطافت اور اظہار کی شگفتگی کو نئی جہت عطا کی۔ 2...
مکمل تعارف پڑھیں