پت جھڑ کے موسم میں تجھ کو — پروین شاکر
شاعر
پت جھڑ کے موسم میں تجھ کو
پت جھڑ کے موسم میں تجھ کو
کون سے پُھول کا تحفہ بھیجوں
میرا آنگن خالی ہے
لیکن میری آنکھوں میں
نیک دُعاؤں کی شبنم ہے
شبنم کا ہر تارہ
تیرا آنچل تھام کے کہتا ہے
خوشبو ، گیت ، ہَوا ، پانی اور رنگ کو چاہنے والی لڑکی !
جلدی سے اچھّی ہوجا
صبحِ بہار کی آنکھیں کب سے
تیری نرم ہنسی کا رستہ دیکھ رہی ہیں !
Pat jhad ke mausam mein tujh ko
Pat jhad ke mausam mein tujh ko
Kaun se phool ka tohfa bhejoon
Mera aangan khaali hai
Lekin meri aankhon mein
Nek duaon ki shabnam hai
Shabnam ka har tara
Tera aanchal thaam ke kehta hai
Khushboo, geet, hawa, paani aur rang ko chahne wali larki!
Jaldi se achhi ho jao
Subh-e-bahar ki aankhein kab se
Teri narm hansi ka rasta dekh rahi hain!
شاعر کے بارے میں
پروین شاکر اردو کی جدید ترین اور مقبول ترین شاعرات میں شمار ہوتی ہیں، جنہوں نے نسائی حسّیت، جذبات کی لطافت اور اظہار کی شگفتگی کو نئی جہت عطا کی۔ 2...
مکمل تعارف پڑھیں