پورا دکھ اور آدھا چاند — پروین شاکر
شاعر
پورا دکھ اور آدھا چاند
پورا دکھ اور آدھا چاند
ہجر کی شب اور ایسا چاند
دن میں وحشت بہل گئی
رات ہوئی اور نکلا چاند
کس مقتل سے گزرا ہوگا
اتنا سہما سہما چاند
یادوں کی آباد گلی میں
گھوم رہا ہے تنہا چاند
میری کروٹ پر جاگ اٹھے
نیند کا کتنا کچا چاند
میرے منہ کو کس حیرت سے
دیکھ رہا ہے بھولا چاند
اتنے گھنے بادل کے پیچھے
کتنا تنہا ہوگا چاند
آنسو روکے نور نہائے
دل دریا تن صحرا چاند
اتنے روشن چہرے پر بھی
سورج کا ہے سایا چاند
جب پانی میں چہرہ دیکھا
تو نے کس کو سوچا چاند
برگد کی اک شاخ ہٹا کر
جانے کس کو جھانکا چاند
بادل کے ریشم جھولے میں
بھور سمے تک سویا چاند
رات کے شانے پر سر رکھے
دیکھ رہا ہے سپنا چاند
سوکھے پتوں کے جھرمٹ پر
شبنم تھی یا ننھا چاند
ہاتھ ہلا کر رخصت ہوگا
اس کی صورت ہجر کا چاند
صحرا صحرا بھٹک رہا ہے
اپنے عشق میں سچا چاند
رات کے شاید ایک بجے ہیں
سوتا ہوگا میرا چاند
Poora Dukh Aur Aadha Chand
Poora dukh aur aadha chand
Hijr ki shab aur aisa chand
Din mein wahshat behal gai
Raat hui aur nikla chand
Kis maqtal se guzra hoga
Itna sehama sehama chand
Yaadon ki aabaad gali mein
Ghoom raha hai tanha chand
Meri karwat par jaag uthe
Neend ka kitna kacha chand
Mere munh ko kis hairat se
Dekh raha hai bhoola chand
Itne ghane baadal ke peeche
Kitna tanha hoga chand
Aansoo roke noor nahaaye
Dil darya tan sehra chand
Itne roshan chehre par bhi
Suraj ka hai saaya chand
Jab paani mein chehra dekha
Tu ne kis ko socha chand
Bargad ki ek shaakh hata kar
Jaane kis ko jhaanka chand
Baadal ke resham jhoole mein
Bhor samay tak soya chand
Raat ke shaane par sar rakhe
Dekh raha hai sapna chand
Sookhe patton ke jhurmut par
Shabnam thi ya nanha chand
Haath hila kar rukhsat hoga
Uski soorat hijr ka chand
Sehra sehra bhatak raha hai
Apne ishq mein saccha chand
Raat ke shayad ek baje hain
Sota hoga mera chand
شاعر کے بارے میں
پروین شاکر اردو کی جدید ترین اور مقبول ترین شاعرات میں شمار ہوتی ہیں، جنہوں نے نسائی حسّیت، جذبات کی لطافت اور اظہار کی شگفتگی کو نئی جہت عطا کی۔ 2...
مکمل تعارف پڑھیں