قدموں میں بھی تکان تھی گھر بھی قریب تھا — پروین شاکر
شاعر
قدموں میں بھی تکان تھی گھر بھی قریب تھا
قدموں میں بھی تکان تھی گھر بھی قریب تھا
پر کیا کریں کہ اب کے سفر ہی عجیب تھا
نکلے اگر تو چاند دریچے میں رک بھی جائے
اس شہر بے چراغ میں کس کا نصیب تھا
آندھی نے ان رتوں کو بھی بے کار کر دیا
جن کا کبھی ہما سا پرندہ نصیب تھا
کچھ اپنے آپ سے ہی اسے کشمکش نہ تھی
مجھ میں بھی کوئی شخص اسی کا رقیب تھا
پوچھا کسی نے مول تو حیران رہ گیا
اپنی نگاہ میں کوئی کتنا غریب تھا
مقتل سے آنے والی ہوا کو بھی کب ملا
ایسا کوئی دریچہ کہ جو بے صلیب تھا
Qadmon Mein Bhi Takaan Thi Ghar Bhi Qareeb Tha
Qadmon mein bhi takaan thi ghar bhi qareeb tha
Par kya karein ke ab ke safar hi ajeeb tha
Nikle agar to chand dareeche mein ruk bhi jaaye
Is shehr be-chiragh mein kis ka naseeb tha
Aandhi ne un ruton ko bhi be-kaar kar diya
Jin ka kabhi huma sa parinda naseeb tha
Kuch apne aap se hi use kashmakash na thi
Mujh mein bhi koi shakhs usi ka raqeeb tha
Poocha kisi ne mol to hairan reh gaya
Apni nigah mein koi kitna ghareeb tha
Maqtal se aane wali hawa ko bhi kab mila
Aisa koi dareecha ke jo be-saleeb tha
شاعر کے بارے میں
پروین شاکر اردو کی جدید ترین اور مقبول ترین شاعرات میں شمار ہوتی ہیں، جنہوں نے نسائی حسّیت، جذبات کی لطافت اور اظہار کی شگفتگی کو نئی جہت عطا کی۔ 2...
مکمل تعارف پڑھیں