شب وہی لیکن ستارہ اور ہے — پروین شاکر
شاعر
شب وہی لیکن ستارہ اور ہے
شب وہی لیکن ستارہ اور ہے
اب سفر کا استعارہ اور ہے
ایک مٹھی ریت میں کیسے رہے
اس سمندر کا کنارہ اور ہے
موج کے مڑنے میں کتنی دیر ہے
ناؤ ڈالی اور دھارا اور ہے
جنگ کا ہتھیار طے کچھ اور تھا
تیر سینے میں اتارا اور ہے
متن میں تو جرم ثابت ہے مگر
حاشیہ سارے کا سارا اور ہے
ساتھ تو میرا زمیں دیتی مگر
آسماں کا ہی اشارہ اور ہے
دھوپ میں دیوار ہی کام آئے گی
تیز بارش کا سہارا اور ہے
ہارنے میں اک انا کی بات تھی
جیت جانے میں خسارا اور ہے
سکھ کے موسم انگلیوں پر گن لیے
فصل غم کا گوشوارہ اور ہے
دیر سے پلکیں نہیں جھپکیں مری
پیش جاں اب کے نظارہ اور ہے
اور کچھ پل اس کا رستہ دیکھ لوں
آسماں پر ایک تارہ اور ہے
حد چراغوں کی یہاں سے ختم ہے
آج سے رستہ ہمارا اور ہے
Shab Wahi Lekin Sitara Aur Hai
Shab wahi lekin sitara aur hai
Ab safar ka isti'aara aur hai
Ek meethi reit mein kaise rahe
Us samundar ka kinara aur hai
Mauj ke mudne mein kitni der hai
Naao daali aur dhaara aur hai
Jang ka hathyar tai kuch aur tha
Teer seene mein utaara aur hai
Matan mein to jurm sabit hai magar
Haashiya saare ka saara aur hai
Saath to mera zameen deti magar
Aasmaan ka hi ishaara aur hai
Dhoop mein deewar hi kaam aaye gi
Tez barish ka sahara aur hai
Haarne mein ek ana ki baat thi
Jeet jaane mein khasara aur hai
Sukh ke mausam ungliyon par gin liye
Fasl-e-gham ka goshwara aur hai
Der se palkein nahin jhapkien meri
Pesh-e-jaan ab ke nazara aur hai
Aur kuch pal uska rasta dekh loon
Aasmaan par ek taara aur hai
Had charaghon ki yahan se khatam hai
Aaj se rasta hamara aur hai
شاعر کے بارے میں
پروین شاکر اردو کی جدید ترین اور مقبول ترین شاعرات میں شمار ہوتی ہیں، جنہوں نے نسائی حسّیت، جذبات کی لطافت اور اظہار کی شگفتگی کو نئی جہت عطا کی۔ 2...
مکمل تعارف پڑھیں