شوق رقص سے جب تک انگلیاں نہیں کھلتیں — پروین شاکر
شاعر
شوق رقص سے جب تک انگلیاں نہیں کھلتیں
شوق رقص سے جب تک انگلیاں نہیں کھلتیں
پاؤں سے ہواؤں کے بیڑیاں نہیں کھلتیں
پیڑ کو دعا دے کر کٹ گئی بہاروں سے
پھول اتنے بڑھ آئے کھڑکیاں نہیں کھلتیں
پھول بن کے سیروں میں اور کون شامل تھا
شوخی صبا سے تو بالیاں نہیں کھلتیں
حسن کے سمجھنے کو عمر چاہئے جاناں
دو گھڑی کی چاہت میں لڑکیاں نہیں کھلتیں
کوئی موجۂ شیریں چوم کر جگائے گی
سورجوں کے نیزوں سے سیپیاں نہیں کھلتیں
ماں سے کیا کہیں گی دکھ ہجر کا کہ خود پر بھی
اتنی چھوٹی عمروں کی بچیاں نہیں کھلتیں
شاخ شاخ سرگرداں کس کی جستجو میں ہیں
کون سے سفر میں ہیں تتلیاں نہیں کھلتیں
آدھی رات کی چپ میں کس کی چاپ ابھرتی ہے
چھت پہ کون آتا ہے سیڑھیاں نہیں کھلتیں
پانیوں کے چڑھنے تک حال کہہ سکیں اور پھر
کیا قیامتیں گزریں بستیاں نہیں کھلتیں
Shauq-e-Raqs Se Jab Tak Ungliyan Nahin Khultien
Shauq-e-raqs se jab tak ungliyan nahin khultien
Paon se hawaon ke bediyan nahin khultien
Ped ko dua de kar kat gai baharon se
Phool itne badh aaye khidkiyan nahin khultien
Phool ban ke seeron mein aur kaun shamil tha
Shokhi-e-saba se to baaliyan nahin khultien
Husn ke samajhne ko umar chahiye jaanan
Do ghadi ki chahat mein ladkiyan nahin khultien
Koi mauja-e-shireen choom kar jagaye gi
Surajon ke nezon se seepiyan nahin khultien
Maa se kya kahen gi dukh hijr ka ke khud par bhi
Itni chhoti umron ki bachiyan nahin khultien
Shaakh shaakh sargardaan kis ki justuju mein hain
Kaun se safar mein hain titliyan nahin khultien
Aadhi raat ki chup mein kis ki chaap ubharti hai
Chhat pe kaun aata hai seedhiyan nahin khultien
Paaniyon ke chadhne tak haal keh sakein aur phir
Kya qayamatain guzreen bastiyan nahin khultien
شاعر کے بارے میں
پروین شاکر اردو کی جدید ترین اور مقبول ترین شاعرات میں شمار ہوتی ہیں، جنہوں نے نسائی حسّیت، جذبات کی لطافت اور اظہار کی شگفتگی کو نئی جہت عطا کی۔ 2...
مکمل تعارف پڑھیں