سوچوں تو وہ ساتھ چل رہا ہے — پروین شاکر
شاعر
سوچوں تو وہ ساتھ چل رہا ہے
سوچوں تو وہ ساتھ چل رہا ہے
دیکھوں تو نظر بدل رہا ہے
کیوں بات زباں سے کہہ کے کھوئی
دل آج بھی ہاتھ مَل رہا ہے
راتوں کے سفر میں وہم سا تھا
یہ میں ہوں کہ چاند چل رہا ہے
ہم بھی ترے بعد جی رہے ہیں
اور تُو بھی کہیں بہل رہا ہے
سمجھا کے ابھی گئی ہیں سکھیاں
اور دل ہے کہ پھر مچل رہا ہے
ہم ہی بُرے ہو گئے __کہ تیرا
معیارِ وفا بدل رہا ہے
پہلی سی وہ روشنی نہیں اب
کیا درد کا چاند ڈھل رہا ہے
Sochun to woh saath chal raha hai
Sochun to woh saath chal raha hai
Dekhun to nazar badal raha hai
Kyun baat zabaan se keh ke khoi
Dil aaj bhi haath mal raha hai
Raaton ke safar mein wahm sa tha
Yeh main hoon ke chaand chal raha hai
Hum bhi tere baad ji rahe hain
Aur tu bhi kahin behal raha hai
Samjha ke abhi gai hain sakhiyan
Aur dil hai ke phir machal raha hai
Hum hi bure ho gaye __ke tera
Miyaar-e-wafa badal raha hai
Pehli si woh roshni nahin ab
Kya dard ka chaand dhal raha hai
شاعر کے بارے میں
پروین شاکر اردو کی جدید ترین اور مقبول ترین شاعرات میں شمار ہوتی ہیں، جنہوں نے نسائی حسّیت، جذبات کی لطافت اور اظہار کی شگفتگی کو نئی جہت عطا کی۔ 2...
مکمل تعارف پڑھیں