تیرا گھر اور میرا جنگل بھیگتا ہے ساتھ ساتھ — پروین شاکر
شاعر
تیرا گھر اور میرا جنگل بھیگتا ہے ساتھ ساتھ
تیرا گھر اور میرا جنگل بھیگتا ہے ساتھ ساتھ
ایسی برساتیں کہ بادل بھیگتا ہے ساتھ ساتھ
بچپنے کا ساتھ ہے پھر ایک سے دونوں کے دکھ
رات کا اور میرا آنچل بھیگتا ہے ساتھ ساتھ
وہ عجب دنیا کہ سب خنجر بکف پھرتے ہیں اور
کانچ کے پیالوں میں صندل بھیگتا ہے ساتھ ساتھ
بارش سنگ ملامت میں بھی وہ ہم راہ ہے
میں بھی بھیگوں خود بھی پاگل بھیگتا ہے ساتھ ساتھ
لڑکیوں کے دکھ عجب ہوتے ہیں سکھ اس سے عجیب
ہنس رہی ہیں اور کاجل بھیگتا ہے ساتھ ساتھ
بارشیں جاڑے کی اور تنہا بہت میرا کسان
جسم اور اکلوتا کمبل بھیگتا ہے ساتھ ساتھ
Tera Ghar Aur Mera Jungle Bheegta Hai Saath Saath
Tera ghar aur mera jungle bheegta hai saath saath
Aisi barsaatein ke badal bheegta hai saath saath
Bachpane ka saath hai phir ek se donon ke dukh
Raat ka aur mera aanchal bheegta hai saath saath
Woh ajab duniya ke sab khanjar bakaf phirte hain aur
Kaanch ke pyaalon mein sandal bheegta hai saath saath
Barish-e-sang-e-malaamat mein bhi woh hum-raah hai
Main bhi bheegoon khud bhi paagal bheegta hai saath saath
Ladkiyon ke dukh ajab hote hain sukh us se ajeeb
Hans rahi hain aur kajal bheegta hai saath saath
Barishein jaade ki aur tanha bahut mera kisan
Jism aur eklaota kambal bheegta hai saath saath
شاعر کے بارے میں
پروین شاکر اردو کی جدید ترین اور مقبول ترین شاعرات میں شمار ہوتی ہیں، جنہوں نے نسائی حسّیت، جذبات کی لطافت اور اظہار کی شگفتگی کو نئی جہت عطا کی۔ 2...
مکمل تعارف پڑھیں