وہ تو خوش بو ہے ہواؤں میں بکھر جائے گا — پروین شاکر
شاعر
وہ تو خوش بو ہے ہواؤں میں بکھر جائے گا
وہ تو خوش بو ہے ہواؤں میں بکھر جائے گا
مسئلہ پھول کا ہے پھول کدھر جائے گا
ہم تو سمجھے تھے کہ اک زخم ہے بھر جائے گا
کیا خبر تھی کہ رگ جاں میں اتر جائے گا
وہ ہواؤں کی طرح خانہ بجاں پھرتا ہے
ایک جھونکا ہے جو آئے گا گزر جائے گا
وہ جب آئے گا تو پھر اس کی رفاقت کے لیے
موسم گل مرے آنگن میں ٹھہر جائے گا
آخرش وہ بھی کہیں ریت پہ بیٹھی ہوگی
تیرا یہ پیار بھی دریا ہے اتر جائے گا
مجھ کو تہذیب کے برزخ کا بنایا وارث
جرم یہ بھی مرے اجداد کے سر جائے گا
Woh To Khushboo Hai Hawaon Mein Bikhar Jayega
Woh to khushboo hai hawaon mein bikhar jayega
Mas'ala phool ka hai phool kidhar jayega
Ham to samjhe the ke ek zakhm hai bhar jayega
Kya khabar thi ke rag-e-jaan mein utar jayega
Woh hawaon ki tarah khana baja phirta hai
Ek jhonka hai jo aayega guzar jayega
Woh jab aayega to phir us ki rafaqat ke liye
Mausam-e-gul mere aangan mein thehar jayega
Aakhirash woh bhi kahin reit pe baithi hogi
Tera yeh pyar bhi darya hai utar jayega
Mujh ko tehzeeb ke barzakh ka banaya waris
Jurm yeh bhi mere ajdad ke sar jayega
شاعر کے بارے میں
پروین شاکر اردو کی جدید ترین اور مقبول ترین شاعرات میں شمار ہوتی ہیں، جنہوں نے نسائی حسّیت، جذبات کی لطافت اور اظہار کی شگفتگی کو نئی جہت عطا کی۔ 2...
مکمل تعارف پڑھیں