آج اک اک بادہ کش مسرور مے خانے میں ہے — پیر نصیرالدین
شاعر
آج اک اک بادہ کش مسرور مے خانے میں ہے
آج اک اک بادہ کش مسرور مے خانے میں ہے
تازہ تازہ اس کے اس کے سب کے پیمانے میں ہے
شیخ جل اٹھے گا تو وہ شعلہ مے خانے میں ہے
مے نہیں یہ اک دہکتی آگ پیمانے میں ہے
اپنا دیوانہ بنا لیتا ہے ساری خلق کو
اک ادائے خاص ایسی اس کے دیوانے میں ہے
دیر بوتل کے اٹھانے میں لگے گی کچھ نہ کچھ
مجھ کو اتنی ہی بہت ہے جتنی پیمانے میں ہے
میکدے میں آنے والو مے کدہ مت چھوڑنا
مرنے جینے کا مزا کچھ ہے تو مے خانے میں ہے
پی رہا ہوں جی رہا ہوں شاد ہوں مسرور ہوں
زندگی ہی زندگی لبریز پیمانے میں ہے
دل کی بے کیفی کا یہ عالم ہوا بعد جنوں
لطف جینے کا نہ گلشن میں نہ ویرانے میں ہے
دھیان ہے آہٹ پہ حسرت دل میں ہے آنکھوں میں دم
ہم چلے دنیا سے ان کو دیر اگر آنے میں ہے
جاگ اٹھی قسمت مقدر جگمگا اٹھا نصیرؔ
جلوہ فرما آج کوئی میرے کاشانے میں ہے
Aaj ik ik baada-kash masroor mai-khane mein hai
Aaj ik ik baada-kash masroor mai-khane mein hai
Taza taza us ke us ke sab ke paimane mein hai
Shaikh jal uthega to wo shola mai-khane mein hai
Mai nahin ye ik dehakti aag paimane mein hai
Apna deewanah bana leta hai saari khalq ko
Ik adaa-e-khaas aisi us ke deewane mein hai
Der botal ke uthane mein lagegi kuch na kuch
Mujh ko itni hi bahut hai jitni paimane mein hai
Maikade mein aane walo mai-kadah mat chhodna
Marne jeene ka maza kuch hai to mai-khane mein hai
Pi raha hoon ji raha hoon shaad hoon masroor hoon
Zindagi hi zindagi labrez paimane mein hai
Dil ki be-kaifi ka ye aalam hua baad-e-junoon
Lutf jeene ka na gulshan mein na veerane mein hai
Dhyan hai aahat pe hasrat dil mein hai aankhon mein dam
Hum chale duniya se un ko der agar aane mein hai
Jaag uthi qismat muqaddar jagmaga utha Naseer!
Jalwa-farma aaj koi mere kashane mein hai
شاعر کے بارے میں
پیر سید نصیر الدین نصیر گیلانی اردو ادب اور صوفیانہ شاعری کے ممتاز شاعر، عالم اور صوفی بزرگ تھے۔ ان کی ولادت 14 نومبر 1949ء کو گولڑہ شریف، اسلام آب...
مکمل تعارف پڑھیں