آج مل کر بھی اون سے نہ کچھ بات کی — پیر نصیرالدین
شاعر
آج مل کر بھی اون سے نہ کچھ بات کی
آج مل کر بھی اون سے نہ کچھ بات کی
ہائے مجبوریاں میرے حالات کی
صبح کو بخش دی جو بچی رات کی
یہ عنایت ہے پیر خرابات کی
تیز تر کیوں نہ ہو شعلۂ آرزو
ہجر کی رات پھر وہ بھی برسات کی
اللہ اللہ مجاز حقیقت نما
وہ بشر ہے کہ تصویر ہے ذات کی
وہ جو خود دار ہے میں برا کیوں کہوں
اس صفت میں جھلک ہے مری ذات کی
حاصل زندگی عشق کا ماحصل
چند گھڑیاں وہ ان سے ملاقات کی
شکر کر اس کا شکوہ نصیرؔ اب نہ کر
کل وہ آیا مخاطب ہوا بات کی
اے نصیرؔ ان کو اپنا بنا لیں گے ہم
کوئی صورت تو نکلے ملاقات کی
Aaj mil kar bhi un se na kuch baat ki
Aaj mil kar bhi un se na kuch baat ki
Haaye majbooriyan mere halaat ki
Subah ko bakhsh di jo bachi raat ki
Yeh inayat hai Peer-e-Kharabat ki
Tez-tar kyun na ho shola-e-arzoo
Hijr ki raat phir woh bhi barsaat ki
Allah Allah Majaz Haqeeqat Numa
Woh bashar hai ke tasveer hai zaat ki
Woh jo khud-dar hai main bura kyun kahoon
Is sifat mein jhalak hai meri zaat ki
Hasil-e-zindagi ishq ka mahasil
Chand ghadiyan woh un se mulaqat ki
Shukr kar is ka shikwa Naseer ab na kar
Kal woh aaya mukhatib hua baat ki
Ay Naseer in ko apna bana lenge hum
Koi surat to nikle mulaqat ki
شاعر کے بارے میں
پیر سید نصیر الدین نصیر گیلانی اردو ادب اور صوفیانہ شاعری کے ممتاز شاعر، عالم اور صوفی بزرگ تھے۔ ان کی ولادت 14 نومبر 1949ء کو گولڑہ شریف، اسلام آب...
مکمل تعارف پڑھیں