آپ اس طرح تو ہوش اڑایا نہ کیجیے — پیر نصیرالدین
شاعر
آپ اس طرح تو ہوش اڑایا نہ کیجیے
آپ اس طرح تو ہوش اڑایا نہ کیجیے
یوں بن سنور کے سامنے آیا نہ کیجیے
یا سر پہ آدمی کو بٹھایا نہ کیجیے
یا پھر نظر سے اس کو گرایا نہ کیجیے
یوں مدھ بھری نگاہ اٹھایا نہ کیجیے
پینا حرام ہے تو پلایا نہ کیجیے
کہئے تو آپ محو ہیں کس کے خیال میں
ہم سے تو دل کی بات چھپایا نہ کیجیے
تیغ ستم سے کام جو لینا تھا لے چکے
اہل وفا کا یوں تو صفایا نہ کیجیے
ہم آپ کے گھر آپ کا آئیں ہزار بار
لیکن کسی کی بات میں آیا نہ کیجیے
اٹھ جائیں گے ہم آپ کی محفل سے آپ ہی
دشمن کے روبرو تو بٹھایا نہ کیجیے
دل دور ہوں تو ہاتھ ملانے سے فائدہ
رسماً کسی سے ہاتھ ملایا نہ کیجیے
محروم ہوں لطافت فطرت سے جو نصیرؔ
ان بے حسوں کو شعر سنایا نہ کیجیے
Aap is tarah to hosh udhaya na kijiye
Aap is tarah to hosh udhaya na kijiye
Yun ban sanwar ke samne aaya na kijiye
Ya sar pe aadmi ko bithaya na kijiye
Ya phir nazar se us ko giraya na kijiye
Yun madh bhari nigah udhaya na kijiye
Peena haraam hai to pilaya na kijiye
Kahiye to aap mahv hain kis ke khayal mein
Hum se to dil ki baat chhupaya na kijiye
Tegh-e-sitam se kaam jo lena tha le chuke
Ahl-e-wafa ka yun to safaya na kijiye
Hum aap ke ghar aap ka aaen hazaar baar
Lekin kisi ki baat mein aaya na kijiye
Uth jayenge hum aap ki mahfil se aap hi
Dushman ke rubaru to bithaya na kijiye
Dil door hon to haath milane se faida
Rasm-an kisi se haath milaya na kijiye
Mahroom hon latafat-e-fitrat se jo Naseer!
In be-hasoon ko sher sunaya na kijiye
شاعر کے بارے میں
پیر سید نصیر الدین نصیر گیلانی اردو ادب اور صوفیانہ شاعری کے ممتاز شاعر، عالم اور صوفی بزرگ تھے۔ ان کی ولادت 14 نومبر 1949ء کو گولڑہ شریف، اسلام آب...
مکمل تعارف پڑھیں