عجیب منظر بالائے بام ہوتا ہے — پیر نصیرالدین
شاعر
عجیب منظر بالائے بام ہوتا ہے
عجیب منظر بالائے بام ہوتا ہے
جب آشکار وہ ماہ تمام ہوتا ہے
ہراس شب، اثر ضعف، خوف راہزناں
مسافروں پہ گراں وقت شام ہوتا ہے
بس اک نگاہ پہ ہے دل کا فیصلہ موقوف
بس اک نگاہ میں قصہ تمام ہوتا ہے
جب اپنے گھر پہ بلاتا ہوں میں کبھی ان کو
انہیں ضرور کوئی خاص کام ہوتا ہے
جواب دے نہیں سکتی زبان شوق مری
کچھ اس ادا سے کوئی ہم کلام ہوتا ہے
رہ جنوں میں لپٹتے ہیں پاؤں سے کانٹے
بہ ہر قدم یہ مرا احترام ہوتا ہے
نظر نظر پہ سر بزم ہے نظر ان کی
نظر نظر میں سلام و پیام ہوتا ہے
نصیرؔ اہل وفا کے بڑے مراتب ہیں
بہت بلند وفا کا مقام ہوتا ہے
پیر نصیرالدین
Ajeeb manzar bala-e-baam hota hai
Ajeeb manzar bala-e-baam hota hai
Jab aashkar woh mah-e-tamam hota hai
Haras-e-shab, asar-e-zofe, khauf-e-rahzanan
Musafiron pe garan waqt-e-shaam hota hai
Bas ek nigah pe hai dil ka faisla mauqoof
Bas ek nigah mein qissa tamam hota hai
Jab apne ghar pe bulata hoon main kabhi un ko
Unhein zaroor koi khas kaam hota hai
Jawab de nahin sakti zuban-e-shauq meri
Kuch is ada se koi ham-kalam hota hai
Rah-e-junoon mein lipat'te hain paon se kaante
Ba har qadam yeh mera ehtram hota hai
Nazar nazar pe sar-e-bazm hai nazar un ki
Nazar nazar mein salam o payam hota hai
Naseer, ahl-e-wafa ke bade maratib hain
Bohat buland wafa ka maqam hota hai
شاعر کے بارے میں
پیر سید نصیر الدین نصیر گیلانی اردو ادب اور صوفیانہ شاعری کے ممتاز شاعر، عالم اور صوفی بزرگ تھے۔ ان کی ولادت 14 نومبر 1949ء کو گولڑہ شریف، اسلام آباد میں ہوئی۔ وہ پیر غلام معین الدین کے بیٹے اور پیر مہر علی شاہ کے پڑپوتے تھے، اور چشتیہ سلسلے سے منسلک خانقاہ گولڑہ شریف کے سجادہ نشین رہے۔ اپنے خاندان اور روحانی پس منظر کی وجہ سے نصیر الدین نصیر کو...
مکمل تعارف پڑھیں