بے رخی ان کی ہر ادا میں ہے — پیر نصیرالدین
شاعر
بے رخی ان کی ہر ادا میں ہے
بے رخی ان کی ہر ادا میں ہے
دل خدا جانے کس ہوا میں ہے
اک جھلک اس کی ابتدا میں ہے
آزمائش جو انتہا میں ہے
زہد میں ہے نہ اتقا میں ہے
زندگی معتبر وفا میں ہے
قصے اوروں کے سن رہا ہے کوئی
داستاں میری التوا میں ہے
خیر یا رب مرے نشیمن کی
برق بے تاب پھر گھٹا میں ہے
زلف کی چیرہ دستیا تو
آدمی پنجۂ بلا میں ہے
جس طرف چاہے اس کا رخ پھیرے
ناؤ اب دست ناخدا میں ہے
وہ غرور جمال میں گم ہیں
مدعی عرض مدعا میں ہے
راس آیا نہ جامہ ہستی
آدمی تنگ سی قبا میں ہے
اور کچھ ہو نصیرؔ میں کہ نہ ہو
سیر چشمی ترے گدا میں ہے
Be-rukhi un ki har ada mein hai
Be-rukhi un ki har ada mein hai
Dil khuda jaane kis hawa mein hai
Ek jhalak us ki ibtida mein hai
Aazmaish jo inteha mein hai
Zuhd mein hai na itqa mein hai
Zindagi moatabar wafa mein hai
Qisse auron ke sun raha hai koi
Dastan meri iltiva mein hai
Khair ya Rabb mere nasheman ki
Barq-e-be-taab phir ghata mein hai
Zulf ki cheerah-dastiyan to
Aadmi panja-e-bala mein hai
Jis taraf chaahe us ka rukh phere
Naao ab dast-e-nakhuda mein hai
Wo ghuroor-e-jamaal mein gum hain
Mudda'i arz-e-mudda'a mein hai
Raas aaya na jama-e-hasti
Aadmi tang si qaba mein hai
Aur kuch ho Naseerؔ mein ke na ho
Seer-chashmi tere gada mein hai
شاعر کے بارے میں
پیر سید نصیر الدین نصیر گیلانی اردو ادب اور صوفیانہ شاعری کے ممتاز شاعر، عالم اور صوفی بزرگ تھے۔ ان کی ولادت 14 نومبر 1949ء کو گولڑہ شریف، اسلام آب...
مکمل تعارف پڑھیں