ہم کسی کا گلا نہیں کرتے — پیر نصیرالدین
شاعر
ہم کسی کا گلا نہیں کرتے
ہم کسی کا گلا نہیں کرتے
نہ ملیں جو ملا نہیں کرتے
چند کلیاں شگفتہ قسمت ہیں
سارے غنچے کھلا نہیں کرتے
میں کو دست جنوں نے چاک کیا
وہ گریباں سلا نہیں کرتے
آپ محتاط ہوں زمانے میں
ہر کسی سے ملا نہیں کرتے
جو محبت میں سنگ میل بنیں
وہ جگہ سے ہلا نہیں کرتے
ناز ہے ان کو بے وفائی پر
ختم یہ سلسلہ نہیں کرتے
رستے رہتے ہیں بھیگی راتوں میں
زخم دل کے سلا نہیں کرتے
ان سے بس اک نصیرؔ شکوہ ہے
ہم سے وہ کیوں ملا نہیں کرتے
Hum kisi ka gila nahin karte
Hum kisi ka gila nahin karte
Na milein jo mila nahin karte
Chand kaliyan shagufta qismat hain
Saare ghunche khila nahin karte
Main ko dast-e-junoon ne chaak kiya
Wo garebaan sila nahin karte
Aap mohtaat hon zamane mein
Har kisi se mila nahin karte
Jo mohabbat mein sang-e-meel banein
Wo jagah se hila nahin karte
Naaz hai un ko be-wafai par
Khatm ye silsila nahin karte
Riste rehte hain bheegi raaton mein
Zakhm dil ke sila nahin karte
Un se bas ek Naseerؔ shikwa hai
Hum se wo kyun mila nahin karte
شاعر کے بارے میں
پیر سید نصیر الدین نصیر گیلانی اردو ادب اور صوفیانہ شاعری کے ممتاز شاعر، عالم اور صوفی بزرگ تھے۔ ان کی ولادت 14 نومبر 1949ء کو گولڑہ شریف، اسلام آب...
مکمل تعارف پڑھیں