ان کے جلووں نے عجب رنگ جما رکھا ہے — پیر نصیرالدین
شاعر
ان کے جلووں نے عجب رنگ جما رکھا ہے
ان کے جلووں نے عجب رنگ جما رکھا ہے
بزمِ کونین کو دیوانہ بنا رکھا ہے
نبض ساکت ہوئی دم کھچ کے لبوں پر آیا
اب جو آؤ بھی تو بیمار میں کیا رکھا ہے
شاید آ پہچیں دمِ نزع بالیں پہ میری
ملک الموت کو باتوں میں لگا رکھا ہے
اب تو پردے سے نکل چاند سی صورت والے!
شبِ فرقت نے اک اندھیر مچا رکھا ہے
تیرے اندازِ نظر دیکھنے آ جاتا ہوں
ورنہ میرے لیے میخانے میں کیا رکھا ہے
آئینہ حسن میں تحلیل نہ ہو جائے کہیں
تیری تصویر کو سینے سے لگا رکھا ہے
تیرے قرباں، تری اس یاد کے لمحے کے نثار
جس نے شب بھر مجھے مصروفِ دعا رکھا ہے
کیا نصیرؔ آنکھ اٹھے ساغر و مینا کی طرف
ان کی آنکھوں نے مجھے مست بنا رکھا ہے
In ke jalwon ne ajab rang jama rakha hai
In ke jalwon ne ajab rang jama rakha hai
Bazm-e-kaunain ko deewanā bana rakha hai
Nabz saakit hui dam khinch ke labon par aaya
Ab jo aao bhi to beemar mein kya rakha hai
Shayad aa pahunchein dam-e-naza' baalin pe meri
Malak-ul-Maut ko baton mein laga rakha hai
Ab to parde se nikal chand si surat wale!
Shab-e-furqat ne ik andher macha rakha hai
Tere andaaz-e-nazar dekhne aa jata hoon
Warna mere liye maikhane mein kya rakha hai
Aaina-e-husn mein tahleel na ho jaaye kahin
Teri tasveer ko seene se laga rakha hai
Tere qurban, teri is yaad ke lamhe ke nisar
Jis ne shab bhar mujhe masroof-e-dua rakha hai
Kya Naseer aankh uthe saghar o meena ki taraf
In ki aankhon ne mujhe mast bana rakha hai
شاعر کے بارے میں
پیر سید نصیر الدین نصیر گیلانی اردو ادب اور صوفیانہ شاعری کے ممتاز شاعر، عالم اور صوفی بزرگ تھے۔ ان کی ولادت 14 نومبر 1949ء کو گولڑہ شریف، اسلام آب...
مکمل تعارف پڑھیں