جب ان سے مری پہلی ملاقات ہوئی تھی — پیر نصیرالدین
شاعر
جب ان سے مری پہلی ملاقات ہوئی تھی
جب ان سے مری پہلی ملاقات ہوئی تھی
اس دن ہی قیامت کی شروعات ہوئی تھی
اتنا ہے مجھے یاد کبھی بات ہوئی تھی
رسماً ہی سہی ان سے ملاقات ہوئی تھی
خط پڑھ کے خفا تو ہوا اور اس نے کیا کہا
قاصد مرے بارے میں کوئی بات ہوئی تھی
کچھ یاد نہیں بازیٔ الفت کا نتیجہ
تم جیت گئے تھے کہ ہمیں مات ہوئی تھی
میں ہوں وہ رہ عشق میں مظلوم مسافر
منزل کے قریب آ کے جسے رات ہوئی تھی
ہاں یاد ہے مجھ کو ترے گیسو کا بکھرنا
برسا تھا یہ بادل کبھی برسات ہوئی تھی
محروم ہوں اب خواب میں بھی اس کی جھلک سے
جس رخ کی زیارت مجھے دن رات ہوئی تھی
یہ چاند یہ تارے بھی بتاتے ہیں چمک کر
تقسیم ترے حسن کی خیرات ہوئی تھی
بیٹھے تھے سر بزم نصیرؔ ان کے قریں ہم
کل رات کی یہ بات ہے کل رات ہوئی تھی
Jab un se meri pehli mulaqat hui thi
Jab un se meri pehli mulaqat hui thi
Us din hi qayamat ki shuruat hui thi
Itna hai mujhe yaad kabhi baat hui thi
Rasman hi sahi un se mulaqat hui thi
Khat padh ke khafa to hua aur usne kya kaha
Qasid mere bare mein koi baat hui thi
Kuch yaad nahin bazi-e-ulfat ka natija
Tum jeet gaye the ke hamein maat hui thi
Main hoon woh rah-e-ishq mein mazloom musafir
Manzil ke qareeb aa ke jise raat hui thi
Haan yaad hai mujh ko tere gesu ka bikherna
Barsa tha yeh badal kabhi barsaat hui thi
Mahroom hoon ab khwab mein bhi us ki jhalak se
Jis rukh ki ziyarat mujhe din raat hui thi
Yeh chand yeh tare bhi batate hain chamak kar
Taqseem tere husn ki khairat hui thi
Baithe the sar-e-bazm Naseer un ke qareeb hum
Kal raat ki yeh baat hai kal raat hui thi
شاعر کے بارے میں
پیر سید نصیر الدین نصیر گیلانی اردو ادب اور صوفیانہ شاعری کے ممتاز شاعر، عالم اور صوفی بزرگ تھے۔ ان کی ولادت 14 نومبر 1949ء کو گولڑہ شریف، اسلام آب...
مکمل تعارف پڑھیں