جو وہ تو نہ رہا تو وہ بات گئی جو وہ بات گئی تو مزا نہ رہا — پیر نصیرالدین
شاعر
جو وہ تو نہ رہا تو وہ بات گئی جو وہ بات گئی تو مزا نہ رہا
جو وہ تو نہ رہا تو وہ بات گئی جو وہ بات گئی تو مزا نہ رہا
وہ امنگ کہاں وہ ترنگ کہاں وہ مزاج وفا و جفا نہ رہا
شب و روز کہیں بھی الگ نہ ہوا شب و روز کہاں وہ ملا نہ رہا
رگ جاں سے ہماری قریب رہا رگ جاں سے ہماری جدا نہ رہا
کسی شکل میں بھی کسی رنگ میں بھی کسی روپ میں بھی کسی ڈھنگ میں بھی
وہ ہماری نظر سے چھپا تو مگر وہ ہماری نظر سے چھپا نہ رہا
تھی خزاںکے لباس میںکس کی نظر کہ جھلستی گئی ہے تمام شجر
کسی شاخ پہ تازہ کلی نہ رہی ، کوئی پتہ چمن میںہرا نہ رہا
تیرے ظلم و ستم ہوئے مجھ پہ جو کم تو یہ حال مرا ہے قدم بہ قدم
وہ تڑپ نہ رہی، وہ جلن نہ رہی، غم و درد میں اب وہ مزا نہ رہا
بہے اشک وفور ملال میں جب، کھلے راز تمام، ہوا یہ غضب
کوئی بات کسی سے چھپی نہ رہی، کوئی حال کسی سے چھپا نہ رہا
دم دید ہزار حواس گئے، رہے دور ہی دور کہ پاس رہے
ہمیں دیکھنا تھا انہیں دیکھ لیا، کوئی بیچ میں پردہ رہا نہ رہا
مرے دم سے تھے نقش و نگار جنوں، مرے بعد کہاں وہ بہار جنوں
کسی خار کی نوک پہ کیا یہ ہو تری، کوئی دشت میں آبلہ پا نہ رہا
مرے پاس جو آ بھی گیا ہے کبھی، تو یہ ڈھنگ رہے تو یہ شکل رہی
وہ ذرا نہ کھلا ، وہ ذرا نہ کھلا، وہ ذرا نہ تھما، وہ ذرا نہ رہا
کیے تیری نگاہ نے جس پہ کرم، رہا دونوں جہان میں اس کا بھرم
جسے تیرے غضب نے تباہ کیا، کہیںاس کا بھرم بخدا نہ رہا
جو نصیر ہم ان کے قریب ہوئے، تو حیات کے رنگ عجیب ہوئے
غم ہجرمیں اور ہی کچھ تھی خلش، وہ خلش نہ رہی وہ مزا نہ رہا
Jo woh to na raha to woh baat gayi jo woh baat gayi to maza na raha
Jo woh to na raha to woh baat gayi jo woh baat gayi to maza na raha
Woh umang kahaan woh tarang kahaan woh mizaaj-e-wafa-o-jafa na raha
Shab-o-roz kahin bhi alag na hua shab-o-roz kahaan woh mila na raha
Rag-e-jaan se hamari qareeb raha rag-e-jaan se hamari juda na raha
Kisi shakal mein bhi kisi rang mein bhi kisi roop mein bhi kisi dhang mein bhi
Woh hamari nazar se chhupa to magar woh hamari nazar se chhupa na raha
Thi khizaan ke libaas mein kis ki nazar ke jhulasti gayi hai tamam shajar
Kisi shaakh pe taaza kali na rahi, koi patta chaman mein hara na raha
Tere zulm-o-sitam hue mujh pe jo kam to yeh haal mera hai qadam ba qadam
Woh tadap na rahi, woh jalan na rahi, gham-o-dard mein ab woh maza na raha
Bahe ashk-e-wafur-e-malaal mein jab, khule raaz tamam, hua yeh ghazab
Koi baat kisi se chhupi na rahi, koi haal kisi se chhupa na raha
Dam-e-deed hazaar hawaas gaye, rahe door hi door ke paas rahe
Hamein dekhna tha unhein dekh liya, koi beech mein parda raha na raha
Mere dam se the naqsh-o-nigaar-e-junoon, mere baad kahaan woh bahaar-e-junoon
Kisi khaar ki nok pe kya yeh ho teri, koi dasht mein aabla-pa na raha
Mere paas jo aa bhi gaya hai kabhi, to yeh dhang rahe to yeh shakal rahi
Woh zara na khula, woh zara na khula, woh zara na thama, woh zara na raha
Kiye teri nigaah ne jis pe karam, raha dono jahaan mein is ka bharam
Jise tere ghazab ne tabah kiya, kahin is ka bharam ba-khuda na raha
Jo Naseer hum un ke qareeb hue, to hayaat ke rang ajeeb hue
Gham-e-hijr mein aur hi kuch thi khalish, woh khalish na rahi woh maza na raha
شاعر کے بارے میں
پیر سید نصیر الدین نصیر گیلانی اردو ادب اور صوفیانہ شاعری کے ممتاز شاعر، عالم اور صوفی بزرگ تھے۔ ان کی ولادت 14 نومبر 1949ء کو گولڑہ شریف، اسلام آب...
مکمل تعارف پڑھیں