مینوں تیرے فراق نے مار سٹیا، آجا آجا او جانِ بہار آجا — پیر نصیرالدین
شاعر
مینوں تیرے فراق نے مار سٹیا، آجا آجا او جانِ بہار آجا
مینوں تیرے فراق نے مار سٹیا، آجا آجا او جانِ بہار آجا
ایہناں ساہواں دا نہیں اتبار کوئی، تینوں ویکھ تے لاں اک وار آجا
مالا تیرے پریم دی گل پا کے، تیرے رہ وچ سیس نوا بیٹھی
تیرے آن دی خوشی وچ اجے توڑی، بیٹھی کرنی آں ہار سنگھار آجا
تینوں لکھ لکھ چٹھیاں پاونی آں، دل چیر کے پئی وکھاونی آں
چناں! دوریاں نُوں ہُن تے دور کر کے، ساری عمر دے لئی اِکّو وار آجا
تیری دید نوں اکھیاں ترس گئیاں، لکھّاں بدلیاں غم دیاں برس گئیاں
تینوں قسم ہے اپنیاں غفلتاں دی، میرے کول مرے غم خوار آجا
آتش ہجر دی بدن پئی ساڑدی اے، میریاں وسدیاں جھوکاں اُجاڑ دی اے
دو تن ہچکیاں رہ گئیاں موت وِچوں، ہُن تے جین دے نہیں آثار آ جا
آ کے کدی تے پُچھ دل اوسدے توں، جیہدی آس دی دنیا توں لٹ لئی اے
کِنّی لمّی اے رات جدائیاں دی، مرے مہربان دلدار آجا
سدا حسن دے بدّل گجدے نئیں، سدا ظلم دے واجے وجدے نئیں
میریا جگ توں سوہنیا محبوبا، ہے نصیرؔ ڈاہڈا بے قرار آجا
Mainu tere firaaq ne maar suttya, aaja aaja o jaan-e-bahar aaja
Mainu tere firaaq ne maar suttya, aaja aaja o jaan-e-bahar aaja
Ehnaan sahwaan da nahin aitbaar koi, tainu vekh te laan ik waar aaja
Maala tere prem di gal paa ke, tere reh vich sees nawa baithi
Tere aan di khushi vich aje toodi, baithi karni aan haar singhaar aaja
Tainu likh likh chitthi’aan paavni aan, dil cheer ke pai wakhavni aan
Channa! Dooriyan nu hun te door kar ke, saari umar de layi ikko waar aaja
Teri deed nu akhi’aan taras gaiyaan, lakh’aan badli’aan gham diyaan baras gaiyaan
Tainu qasam hai apni’aan ghaflataan di, mere kol mere gham-khwaar aaja
Atish-e-hijr di badan pai saardi ae, meri’aan vasdi’aan jhookaan ujaad di ae
Do tin hichki’aan reh gaiyaan maut vichon, hun te jeen de nahin asaar aa ja
Aa ke kadi te puchh dil osde ton, jehdi aas di duniya ton lut layi ae
Kinni lammi ae raat judai’aan di, mere meherban dildaar aaja
Sada husn de badal gajde nayi’n, sada zulm de wajje wajde nayi’n
Meri’a jag ton sohniya mehbooba, hai Naseer daahdra be-qarar aaja
شاعر کے بارے میں
پیر سید نصیر الدین نصیر گیلانی اردو ادب اور صوفیانہ شاعری کے ممتاز شاعر، عالم اور صوفی بزرگ تھے۔ ان کی ولادت 14 نومبر 1949ء کو گولڑہ شریف، اسلام آب...
مکمل تعارف پڑھیں