محفل سے ان کی سینکڑوں پی کر نکل گئے — پیر نصیرالدین
شاعر
محفل سے ان کی سینکڑوں پی کر نکل گئے
محفل سے ان کی سینکڑوں پی کر نکل گئے
مجھ سے ملی جو آنکھ تو تیور بدل گئے
وہ ایسی قاتلانہ اداؤں میں ڈھل گئے
زخمی کیا جو دل تو کلیجہ مسل گئے
کچھ اس طرح وہ ہم سے بھی تیور بدل گئے
ارمان و آرزو کے جنازے نکل گئے
قسمت پھری تو پھر گئے احباب اس طرح
دیکھا مجھے تو دور سے رستہ بدل گئے
کیا شمع انجمن پہ جلانے کا اتہام
جلنا ہی تھا نصیب میں پروانے جل گئے
دل ہم سے لے کے ان کی نگاہیں بدل گئیں
دھوکا دیا فریب کیا چال چل گئے
تھکنے لگے جو پاؤں تو یوں راہ طے ہوئی
اس انجمن میں اہل وفا سر کے بل گئے
اس آستان ناز کا جب تذکرہ ہوا
میری جبین شوق میں سجدے مچل گئے
ان کا جمال دیکھ کے دیکھا جو اے نصیرؔ
قلب و نگاہ حسن کے سانچے میں ڈھل گئے
Mehfil se un ki sainkdon pee kar nikal gaye
Mehfil se un ki sainkdon pee kar nikal gaye
Mujh se mili jo aankh to tewar badal gaye
Woh aisi qatilanā adaaon mein dhal gaye
Zakhmi kiya jo dil to kaleja masal gaye
Kuch is tarah woh hum se bhi tewar badal gaye
Armaan o aarzoo ke janaze nikal gaye
Qismat phiri to phir gaye ahbab is tarah
Dekha mujhe to door se rasta badal gaye
Kya shama-e-anjuman pe jalane ka ilzam
Jalna hi tha naseeb mein parwane jal gaye
Dil hum se le ke un ki nigahein badal gayin
Dhoka diya, fareb kiya, chaal chal gaye
Thakne lage jo paon to yoon raah tai hui
Is anjuman mein ahl-e-wafa sar ke bal gaye
Is aastan-e-naaz ka jab tazkira hua
Meri jabeen-e-shauq mein sajde machal gaye
Un ka jamal dekh ke dekha jo ay Naseer
Qalb o nigah husn ke sanche mein dhal gaye
شاعر کے بارے میں
پیر سید نصیر الدین نصیر گیلانی اردو ادب اور صوفیانہ شاعری کے ممتاز شاعر، عالم اور صوفی بزرگ تھے۔ ان کی ولادت 14 نومبر 1949ء کو گولڑہ شریف، اسلام آب...
مکمل تعارف پڑھیں