ٹکرا گئی تھی ان کی نظر سے نظر کہیں — پیر نصیرالدین
شاعر
ٹکرا گئی تھی ان کی نظر سے نظر کہیں
ٹکرا گئی تھی ان کی نظر سے نظر کہیں
دل کو مرے نہ چین ملا عمر بھر کہیں
ہو جائیے کبھی نہ کبھی جلوہ گر کہیں
سر پھوڑ لے نہ آپ کا آشفتہ سر کہیں
قلب و نظر میں حشر بپا جان مضطرب
اس راہ سے ہوا نہ ہو ان کا گزر کہیں
اے چارہ ساز سر نہ کھپا اپنی راہ لے
اچھا ہوا ہے عشق میں زخم جگر کہیں
للہ آپ حسن کے تیور سنبھالئے
برباد ہو نہ جائے متاع نظر کہیں
کہنا پڑے گی کھل کے مجھے داستان دل
جب چھڑ گئی تو بات ہوئی مختصر کہیں
مجروح نیش وقت کا اللہ رے علاج
مرہم کہیں ہے زخم کہیں چارہ گر کہیں
دل چاہتا ہے شام تمنا شب وصال
لیکن ڈھلے تو غم کی کڑی دوپہر کہیں
مجھ سے کھیچے ہوئے ہیں تو خوش ہیں وہ غیر سے
اس نے لگائی ہو نہ ادھر کی ادھر کہیں
ملتا ہے آج کل ہمیں اک شخص اس طرح
بیگانہ وار وہ بھی سر رہ گزر کہیں
سنتا ہوں لوٹ لیتے ہیں وہ اک نگاہ میں
خود بھی نہ لٹ گیا ہو مرا نامہ بر کہیں
آئے ہیں آپ اور مرے گھر زہے نصیب
دھوکا نہ کھا رہی ہو یہ میری نظر کہیں
سوچیں تو کہہ رہے ہیں کسے بے وفا نصیرؔ
الزام آ نہ جائے یہ اپنے ہی سر کہیں
Takra gayi thi un ki nazar se nazar kahin
Takra gayi thi un ki nazar se nazar kahin
Dil ko mere na chain mila umr bhar kahin
Ho jaiye kabhi na kabhi jalwa-gar kahin
Sar phod le na aap ka aashufta sar kahin
Qalb o nazar mein hashr bapa jaan muztarib
Is raah se hua na ho un ka guzar kahin
Ae chara-saaz sar na khapa apni raah le
Achha hua hai ishq mein zakhm-e-jigar kahin
Lillah aap husn ke tewar sambhaliye
Barbad ho na jaaye mata-e-nazar kahin
Kehna padegi khul ke mujhe dastan-e-dil
Jab chhid gayi to baat hui mukhtasar kahin
Majrooh naish-e-waqt ka Allah re ilaaj
Marham kahin hai zakhm kahin chara-gar kahin
Dil chahta hai shaam-e-tamanna shab-e-wisaal
Lekin dhale to gham ki kadi dopehar kahin
Mujh se kheenchte hue hain to khush hain wo ghair se
Is ne lagayi ho na idhar ki udhar kahin
Milta hai aaj kal hamein ek shakhs is tarah
Begana waar wo bhi sar-e-reh-guzar kahin
Sunta hoon loot lete hain wo ek nigah mein
Khud bhi na lut gaya ho mera nama-bar kahin
Aaye hain aap aur mere ghar zahe naseeb
Dhoka na kha rahi ho ye meri nazar kahin
Sochein to keh rahe hain kise be-wafa Naseerؔ
Ilzaam aa na jaaye ye apne hi sar kahin
شاعر کے بارے میں
پیر سید نصیر الدین نصیر گیلانی اردو ادب اور صوفیانہ شاعری کے ممتاز شاعر، عالم اور صوفی بزرگ تھے۔ ان کی ولادت 14 نومبر 1949ء کو گولڑہ شریف، اسلام آب...
مکمل تعارف پڑھیں