وہ کیا کہہ گئے مجھ کو کیا کہتے کہتے — پیر نصیرالدین
شاعر
وہ کیا کہہ گئے مجھ کو کیا کہتے کہتے
وہ کیا کہہ گئے مجھ کو کیا کہتے کہتے
بھلا کہہ گئے وہ برا کہتے کہتے
جہاں یہ نہ ہو آنکھ بھر آئے قاصد
مری داستان وفا کہتے کہتے
اٹھا تھا میں کچھ ان سے کہنے کو لیکن
زباں رک گئی بارہا کہتے کہتے
وہ سنتے مگر اے ہجوم تمنا
ہمیں کھو گئے مدعا کہتے کہتے
زمانے کی آغوش میں جا پڑے ہم
زمانے کو نا آشنا کہتے کہتے
پلائے گا ساقی تو پینی پڑے گی
کسی دن روا ناروا کہتے کہتے
نگاہیں جھکیں لب ہلے مسکرائے
وہ چپ ہو گئے جانے کیا کہتے کہتے
ادھوری رہی داستان محبت
جہاں سے کوئی اٹھ گیا کہتے کہتے
نصیرؔ ایسے اشعار ان کو سناؤ
وہ شرمائیں بھی مرحبا کہتے کہتے
Wo kya keh gaye mujh ko kya kehte kehte
Wo kya keh gaye mujh ko kya kehte kehte
Bhala keh gaye wo bura kehte kehte
Jahan ye na ho aankh bhar aaye qaasid
Meri dastaan-e-wafa kehte kehte
Utha tha main kuch un se kehne ko lekin
Zaban ruk gayi baarha kehte kehte
Wo sunte magar ae hujoom-e-tamanna
Hamein kho gaye mudda'a kehte kehte
Zamane ki aaghosh mein ja pade hum
Zamane ko na-aashna kehte kehte
Pilaayega saaqi to peeni padegi
Kisi din rawa na-rawa kehte kehte
Nigahein jhukein lab hile muskuraye
Wo chup ho gaye jaane kya kehte kehte
Adhoori rahi dastaan-e-mohabbat
Jahan se koi uth gaya kehte kehte
Naseerؔ aise ashaar un ko sunao
Wo sharmaein bhi marhaba kehte kehte
شاعر کے بارے میں
پیر سید نصیر الدین نصیر گیلانی اردو ادب اور صوفیانہ شاعری کے ممتاز شاعر، عالم اور صوفی بزرگ تھے۔ ان کی ولادت 14 نومبر 1949ء کو گولڑہ شریف، اسلام آب...
مکمل تعارف پڑھیں