یہ مقدر کا لکھا ہے اب یہ کٹ سکتا نہیں — پیر نصیرالدین
شاعر
یہ مقدر کا لکھا ہے اب یہ کٹ سکتا نہیں
یہ مقدر کا لکھا ہے اب یہ کٹ سکتا نہیں
راہ سے ان کی ہمارا پاؤں ہٹ سکتا نہیں
دیکھ کر رنگِ چمن آنسو بہانے چاہئیں
کیا ہمارا خون دل پھولوں میں بٹ سکتا نہیں
کیسی کیسی محفلیں تھیں کیسے کیسے لوگ تھے
وہ سنہرا دور ماضی کیا پلٹ سکتا نہیں
دم قدم کے ساتھ رہتی ہے زمانے کی ہوا
ان کے قدموں سے کوئی ذرہ لپٹ سکتا نہیں
دل کے ذرے منتشر ہو کر ملے ہیں خاک میں
جو بکھر جائے وہ شیرازہ سمٹ سکتا نہیں
حاسدان تیرہ باطن سے کوئی کہہ دے نصیرؔ
علم کا رتبہ بڑھا کرتا ہے گھٹ سکتا نہیں
Ye muqaddar ka likha hai ab ye kat sakta nahin
Ye muqaddar ka likha hai ab ye kat sakta nahin
Raah se un ki hamara paon hat sakta nahin
Dekh kar rang-e-chaman aansu bahane chahiye
Kya hamara khoon-e-dil phoolon mein bat sakta nahin
Kaisi kaisi mahfilen thin kaise kaise log the
Wo sunahra daur-e-maazi kya palat sakta nahin
Dam qadam ke saath rehti hai zamane ki hawa
Un ke qadmon se koi zarra lipat sakta nahin
Dil ke zarre muntashir ho kar mile hain khaak mein
Jo bikhar jaye wo shiraza simat sakta nahin
Hasidaan-e-teerah baatin se koi keh de Naseer!
Ilm ka rutba badha karta hai ghat sakta nahin
شاعر کے بارے میں
پیر سید نصیر الدین نصیر گیلانی اردو ادب اور صوفیانہ شاعری کے ممتاز شاعر، عالم اور صوفی بزرگ تھے۔ ان کی ولادت 14 نومبر 1949ء کو گولڑہ شریف، اسلام آب...
مکمل تعارف پڑھیں