یوں وہ محفل میں بصد شان بنے بیٹھے ہیں — پیر نصیرالدین
شاعر
یوں وہ محفل میں بصد شان بنے بیٹھے ہیں
یوں وہ محفل میں بصد شان بنے بیٹھے ہیں
میرا دل اور مری جان بنے بیٹھے ہیں
ان کی صورت نکھر آئی پسِ زینت کیا کیا
دیدۂ خلق کا ارمان بنے بیٹھے ہیں
جن کو آداب تک آتے نہیں دربانی کے
آج اس در پہ وہ دربان بنے بیٹھے ہیں
مجھ کو دیکھا تو غضب ناک ہوئے ٹوٹ پڑے
کیا خبر تھی کہ وہ طوفان بنے بیٹھے ہیں
جو ہیں سلطان وہ پھرتے ہیں گداؤں کی طرح
جو گداگر ہیں وہ سلطان بنے بیٹھے ہیں
محفل ناز میں بلوا بھی لیا ہے مجھ کو
اور پھر مجھ سے وہ انجان بنے بیٹھے ہیں
اہل دل پر وہ غصہ ہے نہ وہ قہر و ستم
خیر سے آج وہ انسان بنے بیٹھے ہیں
دیکھتے ہی نہیں قصداً وہ ہماری جانب
جان کر ہم سے وہ انجان بنے بیٹھے ہیں
اے نصیرؔ ان کو سر بزم ذرا دیکھو تو
اک تماشہ کا وہ عنوان بنے بیٹھے ہیں
Yun woh mehfil mein ba sad shaan bane baithe hain
Yun woh mehfil mein ba sad shaan bane baithe hain
Mera dil aur meri jaan bane baithe hain
Un ki soorat nikhar aayi pas-e-zeenat kya kya
Deeda-e-khalq ka armaan bane baithe hain
Jin ko aadaab tak aate nahin darbaani ke
Aaj us dar pe woh darbaan bane baithe hain
Mujh ko dekha to ghazabnaak hue toot pade
Kya khabar thi ke woh toofaan bane baithe hain
Jo hain sultaan woh phirte hain gadaaon ki tarah
Jo gadaagar hain woh sultaan bane baithe hain
Mehfil-e-naaz mein bulwa bhi liya hai mujh ko
Aur phir mujh se woh anjaan bane baithe hain
Ahl-e-dil par woh ghussa hai na woh qahr-o-sitam
Khair se aaj woh insaan bane baithe hain
Dekhte hi nahin qasdan woh hamaari jaanib
Jaan kar hum se woh anjaan bane baithe hain
Ae Naseer in ko sar-e-bazm zara dekho to
Ik tamaasha ka woh unwaan bane baithe hain
شاعر کے بارے میں
پیر سید نصیر الدین نصیر گیلانی اردو ادب اور صوفیانہ شاعری کے ممتاز شاعر، عالم اور صوفی بزرگ تھے۔ ان کی ولادت 14 نومبر 1949ء کو گولڑہ شریف، اسلام آب...
مکمل تعارف پڑھیں