ایک گم سم فضا کے سواکچھ نہ تھا میری چپ چاپ حیرانیوں کے لیے — قتیل شفائی
شاعر
ایک گم سم فضا کے سواکچھ نہ تھا میری چپ چاپ حیرانیوں کے لیے
ایک گم سم فضا کے سواکچھ نہ تھا میری چپ چاپ حیرانیوں کے لیے
اب کے ساون میں بھی میں ترستا رہا گنگناتے ہوئے پانیوں کے لیے
جب بھی نیکی بدی کا پڑا رَن کوئی جو بھی ناصح تھا وہ پیٹھ دکھلا گیا
سہہ گئے ہم ہی محرومیوں کے ستم رہ گئے ہم ہی قربانیوں کے لیے
کیا خبرکیاخیال آیا صیاد کو، اس کے دل میں بھی اک نرم گوشہ بنا
اب رہائی کے پیغام آنے لگے تیرے خوددار زندانیوں کے لیے
جھونپڑوں میں سسکتی ہوئی بیویو! ہوں گے خالی تمھارے لیے وہ محل
جو محل تاجداروں نے بنوائے ہیں اپنی پیاری مہارانیوں کے لیے
چاہے کوئی بھی ہو، کیوں خوشامد کریں، عاشقوں سے تو یہ کام ہوتا نہیں
کوئی شاعر ہی بلوا لو دربار سے، گل رحو ںکی ثنا خوانیوں کے لیے
جوش پر ہے طبیعت قتیل آجکل سامنے جو بھی آیا وہ بہہ جائے گا
یہ ندی اک زمانے سے مشہور ہے اپنی منہ زور طغانیوں کے لیے
قتیل شفائی
Ek gum sum fiza ke siwa kuch na tha meri chup chaap hairaniyon ke liye
Ek gum sum fiza ke siwa kuchh na tha meri chup chaap hairaniyon ke liye
Ab ke saawan mein bhi main tarasta raha gungunate hue paniyon ke liye
Jab bhi neki badi ka pada ran koi jo bhi naseh tha woh peeth dikhla gaya
Seh gaye hum hi mehroomiyon ke sitam reh gaye hum hi qurbaniyon ke liye
Kya khabar kya khayal aaya sayyad ko, us ke dil mein bhi ek narm gosha bana
Ab rihai ke paigham aane lage tere khuddar zindaniyon ke liye
Jhonpdon mein sisakti hui bewao! Honge khaali tumhare liye woh mehal
Jo mehal tajdaron ne banwaye hain apni pyaari maharaniyon ke liye
Chaahe koi bhi ho, kyun khushamad karein, aashiqon se to yeh kaam hota nahin
Koi shair hi bulwa lo darbar se, gul ru'on ki sana khwaniyon ke liye
Josh par hai tabiyat Qateel aajkal samne jo bhi aaya woh beh jayega
Yeh nadi ek zamane se mash'hoor hai apni munh zor tughyaniyon ke liye
شاعر کے بارے میں
اردو کے معروف شاعر اور فلمی نغمہ نگار قتیل شفائی، جن کا اصل نام محمد اورنگ زیب تھا، 24 دسمبر 1919ء کو ہری پور، ہزارہ (برٹش انڈیا، موجودہ پاکستان) میں پیدا ہوئے۔ ابتدائی تعلیم انہوں نے گورنمنٹ ہائی اسکول ہری پور سے حاصل کی، مگر والد کے انتقال کے باعث اعلیٰ تعلیم کا سلسلہ جاری نہ رکھ سکے۔ نوجوانی ہی میں ادب سے ان کی وابستگی گہری ہوگئی اور 1938ء می...
مکمل تعارف پڑھیں