کیا ہے پیار جسے ہم نے زندگی کی طرح — قتیل شفائی
شاعر
کیا ہے پیار جسے ہم نے زندگی کی طرح
کیا ہے پیار جسے ہم نے زندگی کی طرح
وہ آشنا بھی ملا ہم سے اجنبی کی طرح
کسے خبر تھی بڑھے گی کچھ اور تاریکی
چھپے گا وہ کسی بدلی میں چاندنی کی طرح
بڑھا کے پیاس مری اس نے ہاتھ چھوڑ دیا
وہ کر رہا تھا مروت بھی دل لگی کی طرح
ستم تو یہ ہے کہ وہ بھی نہ بن سکا اپنا
قبول ہم نے کیے جس کے غم خوشی کی طرح
کبھی نہ سوچا تھا ہم نے قتیلؔ اس کے لیے
کرے گا ہم پہ ستم وہ بھی ہر کسی کی طرح
قتیل شفائی
Kiya hai pyaar jise hum ne zindagi ki tarah
Kiya hai pyaar jise hum ne zindagi ki tarah
Woh ashna bhi mila hum se ajnabi ki tarah
Kise khabar thi badhegi kuch aur tareeki
Chhupega woh kisi badli mein chandni ki tarah
Badha ke pyaas meri us ne haath chhod diya
Woh kar raha tha murawwat bhi dillagi ki tarah
Sitam to yeh hai ke woh bhi na ban saka apna
Qabool hum ne kiye jis ke gham khushi ki tarah
Kabhi na socha tha hum ne Qateel us ke liye
Karega hum pe sitam woh bhi har kisi ki tarah
شاعر کے بارے میں
اردو کے معروف شاعر اور فلمی نغمہ نگار قتیل شفائی، جن کا اصل نام محمد اورنگ زیب تھا، 24 دسمبر 1919ء کو ہری پور، ہزارہ (برٹش انڈیا، موجودہ پاکستان) میں پیدا ہوئے۔ ابتدائی تعلیم انہوں نے گورنمنٹ ہائی اسکول ہری پور سے حاصل کی، مگر والد کے انتقال کے باعث اعلیٰ تعلیم کا سلسلہ جاری نہ رکھ سکے۔ نوجوانی ہی میں ادب سے ان کی وابستگی گہری ہوگئی اور 1938ء می...
مکمل تعارف پڑھیں