تمہاری انجمن سے اٹھ کے دیوانے کہاں جاتے — قتیل شفائی
شاعر
تمہاری انجمن سے اٹھ کے دیوانے کہاں جاتے
تمہاری انجمن سے اٹھ کے دیوانے کہاں جاتے
جو وابستہ ہوئے تم سے وہ افسانے کہاں جاتے
نکل کر دیر و کعبہ سے اگر ملتا نہ مے خانہ
تو ٹھکرائے ہوئے انساں خدا جانے کہاں جاتے
تمہاری بے رخی نے لاج رکھ لی بادہ خانے کی
تم آنکھوں سے پلا دیتے تو پیمانے کہاں جاتے
چلو اچھا ہوا کام آ گئی دیوانگی اپنی
وگرنہ ہم زمانے بھر کو سمجھانے کہاں جاتے
قتیلؔ اپنا مقدر غم سے بیگانہ اگر ہوتا
تو پھر اپنے پرائے ہم سے پہچانے کہاں جاتے
قتیل شفائی
Tumhari anjuman se uth ke deewane kahan jaate
Tumhari anjuman se uth ke deewane kahan jaate
Jo wabasta hue tum se woh afsaane kahan jaate
Nikal kar dair-o-Kaaba se agar milta na mai-khana
To thukraye hue insaan Khuda jaane kahan jaate
Tumhari be-rukhi ne laaj rakh li baada-khane ki
Tum aankhon se pila dete to paimane kahan jaate
Chalo achha hua kaam aa gayi deewangi apni
Wagarna hum zamane bhar ko samjhane kahan jaate
Qateel apna muqaddar gham se begana agar hota
To phir apne paraye hum se pehchane kahan jaate
شاعر کے بارے میں
اردو کے معروف شاعر اور فلمی نغمہ نگار قتیل شفائی، جن کا اصل نام محمد اورنگ زیب تھا، 24 دسمبر 1919ء کو ہری پور، ہزارہ (برٹش انڈیا، موجودہ پاکستان) میں پیدا ہوئے۔ ابتدائی تعلیم انہوں نے گورنمنٹ ہائی اسکول ہری پور سے حاصل کی، مگر والد کے انتقال کے باعث اعلیٰ تعلیم کا سلسلہ جاری نہ رکھ سکے۔ نوجوانی ہی میں ادب سے ان کی وابستگی گہری ہوگئی اور 1938ء می...
مکمل تعارف پڑھیں