آتے آتے آن جگائے مجھ کو ریلا مصرعوں کا — راشد ڈوگر
شاعر
آتے آتے آن جگائے مجھ کو ریلا مصرعوں کا
آتے آتے آن جگائے مجھ کو ریلا مصرعوں کا
جاتے جاتے جان کھپائے یارو میلہ سوچوں کا
جلتے جلتے جم جاتا ہے تیکھا تیل تخیل کا
بُجھتے بُجھتے ، بھڑکے پھر سے شعلہ شوخ خیالوں کا
لکھتے لکھتے لکھ ڈالے ہیں دفتر کتنے شعروں کے
پڑھتے پڑھتے پڑھ جائے گا طوطا پڑھنے والوں کا
ہوتے ہوتے ہو جاتا ہے جیون آخر ہونے کو
روتے روتے رک جاتا ہے پانی روتی آنکھوں کا
جھڑتے جھڑتے جھڑ جاتے ہیں پتّے سارے پت جھڑ میں
پکتے پکتے پک جاتا ہے دھان کسان کے کھیتوں کا
سوتے سوتے جا پہنچوں میں جادو نگری خوابوں کی
جاگوں تو پھر جاگتا جائے جوکھم جیتی جانوں کا
جاتے جاتے لے جاتی ہے ماتا دھاگا ممتا کا
جس کے ساتھ وہ باندھے رکھتی ناطہ اپنے بچوں کا
Aate aate aan jagaye mujh ko rela misraon ka
Aate aate aan jagaye mujh ko rela misraon ka
Jaate jaate jaan khapaye yaaro mela sochon ka
Jalte jalte jam jaata hai teekha tel takhayyul ka
Bujhte bujhte, bhadke phir se shola shokh khayalon ka
Likhte likhte likh daale hain daftar kitne sher-on ke
Padhte padhte padh jaayega tota padhne walon ka
Hote hote ho jaata hai jeevan aakhir hone ko
Rote rote ruk jaata hai paani roti aankhon ka
Jhadte jhadte jhad jaate hain patte saare pat jhad mein
Pakte pakte pak jaata hai dhaan kisaan ke kheton ka
Sote sote ja pahunchon main jaadu nagri khwabon ki
Jagoon to phir jaagta jaaye jokham jeeti jaanon ka
Jaate jaate le jaati hai mata dhaga mamta ka
Jis ke saath woh baandhe rakhti naata apne bachchon ka
شاعر کے بارے میں
شاید شاعر، غالباً ادیب، قریباً ان پڑھ، یقیناً گناہگار،سر بہ خاکِ مدینہ
مکمل تعارف پڑھیں