اک آہ کی آری سے ہو گَرْدُوں کا جگر چاک — راشد ڈوگر
شاعر
اک آہ کی آری سے ہو گَرْدُوں کا جگر چاک
اک آہ کی آری سے ہو گَرْدُوں کا جگر چاک
سو راز ہوں، کردیتی ہے مستی کی نظر، چاک
برسوں کی ریاضت سے ملِے جُبّہ و دستار
بس عشق کی آمد تھی کہ تھا علم و ہنر چاک
انسان کی فطرت میں ہے تخریب کا پہلو
ہو سکتے تو کر دیتا ابھی شمس و قمر چاک
صحرا ہوں کہ گلشن ہوں، وہ باطن میں ہیں یکساں
ملتی ہے وہی شے ، جو کریں ریگ و گہر چاک
کمہار کے ہاتھوں سے اخذ کر کے محبت
کوزہ تھا کہ رقصاں رہا قدموں تلے دھر چاک
Ek aah ki aari se ho gardoon ka jigar chaak
Ek aah ki aari se ho gardoon ka jigar chaak
Sau raaz hoon, kar deti hai masti ki nazar, chaak
Barson ki riyazat se mile jubba o dastaar
Bas ishq ki aamad thi ke tha ilm o hunar chaak
Insan ki fitrat mein hai takhreeb ka pehlu
Hosakte to kar deta abhi shams o qamar chaak
Sehra hoon ke gulshan hoon, woh baatun mein hain yaksaan
Milti hai wohi shai, jo karein reig o gohar chaak
Kumhar ke hathon se akhz kar ke mohabbat
Kooza tha ke raqsan raha qadmon tale dhar chaak
شاعر کے بارے میں
شاید شاعر، غالباً ادیب، قریباً ان پڑھ، یقیناً گناہگار،سر بہ خاکِ مدینہ
مکمل تعارف پڑھیں